জ্যোতিষশাস্ত্ৰত গ্ৰহৰ ৰাশি নক্ষত্ৰ পৰিবৰ্তন অত্যন্ত গুৰুত্বপূৰ্ণ৷ কেতিয়াবা কেতিয়াবা গ্ৰহৰ সংযোগত বিশেষ যোগ তৈয়াৰ হয় যিয়ে ১২ ৰাশিৰ জীৱনত শুভ অশুভ প্ৰভাৱ পেলায়৷ শীঘ্ৰেই শনি আৰু বুধৰ প্ৰতিযুতি ৰাজযোগত তিনি ৰাশিৰ জীৱনলৈ ইতিবাচক পৰিবৰ্তন আহিব৷ বৈদিক জ্যোতিষশাস্ত্ৰত শনিদেৱৰ মাহাত্ম্য অপৰিসীম৷ অত্যন্ত গুৰুত্বপূৰ্ণ গ্ৰহ শনি ন্যায় আৰু কৰ্মফলৰ দেৱতা৷ গ্ৰহৰ মাজত সকলোতকৈ ধীৰ গতিশীল গ্ৰহ শনিয়ে প্ৰতি আঢ়ৈ বছৰত ৰাশি পৰিবৰ্তন কৰে৷ ১২ ৰাশিৰ এটা পূৰ্ণ চক্ৰ সম্পন্ন কৰিবলৈ শনিদেৱৰ প্ৰায় ৩০ বছৰ সময় লাগে৷ অন্যহাতে সৌৰমণ্ডলৰ সকলোতকৈ সৰু গ্ৰহ হৈছে বুধ৷ জ্যোতিষশাস্ত্ৰত গ্ৰহৰ ৰাজকুমাৰ বুধক তীক্ষ্ণ বুদ্ধি, বিবেক আৰু যৌক্তিক ক্ষমতাৰ কাৰক বুলি ধাৰণা কৰা হয়৷ প্ৰতি ১৫ দিনৰ অন্তৰে অন্তৰে বুধে ৰাশি পৰিবৰ্তন কৰে৷
কাইলৈ ১৭ ছেপ্টেম্বৰত আছে শনি আৰু বুধৰ প্ৰতিযুঁটি দৃষ্টি৷ বুধবাৰৰ নিশা ১১ বাজি ১৫ মিনিটত শনি আৰু বুধে এটাই আনটোৰ ওপৰত ১৮০ ডিগ্ৰী কোণত অৱস্থান কৰিছে৷ এই দুটা গ্ৰহৰ এটাই আনটোৰ বিশেষ অৱস্থানত থকাৰ প্ৰতিযুঁটি দৃষ্টি যোগ তৈয়াৰ কৰিব৷ এই শক্তিশালী যোগে জীৱনলৈ স্থায়ী সাফল্য, সমৃদ্ধি আৰু কৰ্মৰ ফল প্ৰদান কৰে৷ এই দুই গ্ৰহৰ যুঁটিত শীঘ্ৰেই সৌভাগ্যৰ দুৱাৰ খুলিব ৩ ৰাশিৰ৷ অৰ্থ-যশ-খ্যাতিৰে ভৰিব সেইসমূহ ৰাশিৰ জীৱন৷ আপুনিও আছেনে তালিকাত?
মিথুন ৰাশি
শনি বুধৰ প্ৰভাৱত মিথুন ৰাশিৰ জাতকৰ আৰ্থিক পৰিস্থিতিৰ উন্নতি হব৷ নতুন চাকৰিৰ সুযোগ পাব পাৰে৷ ব্যৱসায়ত পাৰ্টনাৰৰ সৈতে বৃহৎ বিনিয়োগ কৰিব পাৰে৷ লটাৰী জয়ৰ যোগ আছে৷ সমাজত সুখ্যাতি অৰ্জন কৰিব পাৰে৷ বহুদিন ধৰি কোনো কাম ৰৈ থাকিলে এইবাৰ শেষ কৰিব পাৰিব৷ দাম্পত্যত সমস্যা দূৰ হব৷ সন্তানৰ স্বাস্থ্যক লৈ চিন্তা কমিব৷
তুলা ৰাশি
প্ৰতিযুটি যোগে তুলা ৰাশিৰ জাতক জাতিকাৰ জীৱনলৈ সুদিন উভতাই আনিব৷ আৰ্থিক পৰিস্থিতি বহু বেছি সুৰক্ষিত হব৷ শ্বেয়াৰ বজাৰত অৰ্থ লগ্নি কৰিলে ভৱিষ্যতে লাভ পাব৷ শিক্ষা কিংবা গৱেষণাৰ সৈতে যুক্ত ব্যক্তিয়ে উন্নতি কৰিব৷ আধ্যাত্মিক ধাৰণাত বিশ্বাস বাঢ়িব৷ নতুন কোনো কামৰ সৈতে যুক্ত হ’ব পাৰে৷ প্ৰেমজীৱনত সুখ থাকিব৷ আয়-ব্যয়ৰ সামঞ্জস্য ৰাখি সঞ্চয় কৰিব পাৰে৷
মীন ৰাশি
বুধ আৰু শনিৰ চলনত মীন ৰাশিৰ অৰ্থভাগ্য সলনি হব৷ বহু দিন ৰৈ থকা টকা পাব পাৰে৷ ডাঙৰ বিনিয়োগ কৰিলে লাভৱান হব৷ যিকোনো কামত সাফল্যৰ যোগ আছে৷ ঋণৰ বোজা কমিব৷ সন্তানৰ সৈতে সম্পৰ্কৰ উন্নতি হব৷ কৰ্মক্ষেত্ৰত কামৰ অনুকূল পৰিবেশ থাকিব৷ পৰিয়ালৰ সৈতে ফুৰিবলৈ যোৱাৰ পৰিকল্পনা কৰিব পাৰে৷ পৰিয়ালত মাটি সম্পত্তি সংক্ৰান্তিয় সমস্যা দূৰ হব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
