নিথৰ হৈ শুই আছে অথচ আজিও উজ্জ্বল সেই মুখ৷ সদায় ৰঙীন পোছাকেৰে উজ্বলি থকা জুবিনে আজি শুদ্ধ বগা কাপোৰ পৰিধান কৰি শুই আছে৷ জাতীয় পোছাকত থকা জুবিনৰ মূৰত কিন্তু আজিও আছে চিৰপৰিচিত গামোছাখন৷ মূৰত টুপি পিন্ধি বা গামোছা বান্ধি ভালপাইছিল জুবিনে৷ জুবিনে ভালপোৱাধৰণেই তেওঁৰ মূৰত আজিও বান্ধি দিয়া হৈছে এখন গামোছা৷
আজি খুবেই শান্ত জুবিন৷ আজি জুবিন খালি ভৰিৰে৷ কোনেও আৰু জুবিনক এতিয়া ক’ব নোৱাৰে কিয় দুই ৰঙী দুপাত জোতা পিন্ধিছে৷ আজি জুবিনে চকুত পিন্ধি থকা নাই কোনো ৰঙীন ছানগ্লাছ৷ দুচকু জপাই শুই থকা জুবিনক আজি কোনেও উৎপতীয়া লৰাটো বুলি ক’ব নোৱাৰে৷ চিৰনিদ্ৰাত শুই থকা জুবিনক এতিয়া যেন কেৱল শান্তিৰ প্ৰয়োজন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
