ধনতেৰাছ সুখ, সমৃদ্ধিৰ দিন৷ কাতি মাহৰ ত্ৰয়োদশীত ধনতেৰাছ পালিত হয়৷ দীপাৱলিৰ পাঁচ দিনৰ প্ৰথম দিন হৈছে ধনতেৰাছ৷ ধন সম্পদৰ দেৱতা কুবেৰ আৰু আয়ুৰ্বেদৰ দেৱতা ভগৱান ধন্বন্তৰিক এইদিনটোত পূজা কৰা হয়৷ ধনতেৰাছক ধন্বন্তৰী ত্ৰয়োদশীও কোৱা হয়৷
ধনতেৰাছত কিছু সামগ্ৰী ক্ৰয় কৰাৰ পৰা বিৰত থকা উচিত৷ অন্যথা ঘৰত দৰিদ্ৰ আহিব৷ জানি থওক কি কি সামগ্ৰী ধনতেৰাছত ক্ৰয় নকৰিব?
ধৰাল বস্তু
ধনতেৰাছৰ দিনা ক্ৰয় বিক্ৰয় কৰাৰ সময়ত ধৰাল সামগ্ৰী কিনাটো অশুভ৷ ছুৰি, কেঁচি ইত্যাদি ক্ৰয় কৰা খুবেই অশুভ বুলি কোৱা হয়৷ ঘৰত এইসমূহ সামগ্ৰীয়ে বাস্তুদোষৰ সৃষ্টি কৰে৷
ক’লা সামগ্ৰী
ধনতেৰাছৰ দিনা ক’লা সামগ্ৰী ক্ৰয় কৰাৰ পৰা বিৰত থকা উচিত৷ ধনতেৰাছ এক খুবেই শুভ দিন, যেতিয়া ক’লা ৰং সকলো সময়তে অশুভ প্ৰতীক হিচাপে বিবেচিত হয়৷ সেয়ে ধনতেৰাছৰ দিনা ক’লা ৰঙৰ সামগ্ৰী এৰাই চলা উচিত৷ ইয়াৰোপৰি এই দিনটোত ক’লা ৰঙৰ পোছাক পিন্ধাও উচিত নহয়৷
প্লাষ্টিকৰ পণ্য
ধনতেৰাছৰ দিনা প্লাষ্টিকেৰে তৈয়াৰী সামগ্ৰী ক্ৰয় কৰা উচিত নহয়৷ ঘৰত প্লাষ্টিকৰ সামগ্ৰী আনিলে বাস্তুৰ দিশৰ পৰা সেয়া সঠিক নহয়৷ সেয়ে ধনতেৰাছৰ দিনা প্লাষ্টিকৰ সামগ্ৰী ক্ৰয় কৰা উচিত নহয়৷
লোহাৰ সামগ্ৰী ক্ৰয় নকৰিব
ধনতেৰাছৰ দিনা লোহাৰে তৈয়াৰী সামগ্ৰী ক্ৰয় কৰা উচিত নহয়৷ আপুনি যদি লোহাৰ পাত্ৰ কিনিব খুজিছে তেন্তে ধনতেৰছৰ আগতে বা পিছত ক্ৰয় কৰিব৷
খালী পাত্ৰ নিকিনিব
ধনতেৰাছৰ দিনা কেতিয়াও খালী পাত্ৰ ক্ৰয় কৰা উচিত নহয়৷ বিশ্বাস কৰা হয় যে, এক খালি পাত্ৰই ঘৰৰ অৰ্থনৈতিক অৱস্থাৰ ওপৰত ভাল প্ৰভাৱ নেপেলায়৷ সেয়ে ঘৰত বাচন অনাৰ পূৰ্বে পানী বা অন্য কোনো সামগ্ৰী ভৰাইহে আনিব৷
ধনতেৰাছ ২০২৫ কেতিয়া?
এইবছৰ ১৮ অক্টোবৰ শনিবাৰে ধনতেৰাছ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
