বিশ্বৰ যিকোনো দেশৰ সৈতেই সুসম্পৰ্ক বজায় ৰাখিব পাৰে ভাৰতে৷ নতুন দিল্লীৰ এই কৌশলগত স্বাধীনতা আছে৷ তাত আমেৰিকা বা অন্য কোনো দেশেই বাধা দিব নোৱাৰিব৷ ৰাছিয়াৰ প্ৰেছিডেণ্ট ভ্লাডিমিৰ পুটিনৰ যাত্ৰাৰ পাছতেই এই বাৰ্তা দিছে ভাৰতৰ বিদেশমন্ত্ৰী এছ জয়শংকৰ৷ বৃহস্পতিবাৰে দুদিনীয়া ভাৰত ভ্ৰমণলৈ আহিছিল পুটিন৷ তেওঁৰ সৈতে বৈঠকো কৰিছিল প্ৰধানমন্ত্ৰী নৰেন্দ্ৰ মোদীয়ে৷ প্ৰশাসনিক সূত্ৰৰ খবৰ অনুসৰি দুই’দেশৰ সম্পৰ্ক মজবুত কৰাক লৈ কথা পাতিছে দুই ৰাষ্ট্ৰপ্ৰধানে৷ আলোচনাত একাধিক গুৰুত্বপূৰ্ণ বিষয়ৰ আলোচনা হৈছে৷
ডোনাল্ড ট্ৰাম্পে শুল্কযুদ্ধসহ নানান ঘটনা পৰম্পৰাত সম্প্ৰতি ভাৰত-আমেৰিকাৰ সম্পৰ্কৰ বহুপৰিমাণে অৱনতিও হৈছে৷ সেই সময়তেই পুটিনৰ এই ভাৰত ভ্ৰমণত কি আকৌ ক্ষুণ্ণ হৈ পৰিছে নেকি আমেৰিকা? সংবাদমাধ্যমৰ অনুষ্ঠানত এই প্ৰশ্ন কৰা হৈছিল জয়শংকৰকো৷ তেওঁৰ উত্তৰত বিদেশমন্ত্ৰীয়ে কয়, ‘বিশ্বত যিমান বেছি সংখ্যক দেশৰ সৈতে ভাৰতৰ সুসম্পৰ্ক বৰ্তি থাকে সিমানেই ভাল৷ ইয়াৰ ফলত আন্তৰ্জাতিক ৰাজনীতিত ভাৰতৰ অৱস্থান আৰু শক্তিশালী হব৷ ৰাছিয়াৰ সৈতে চীন বা ইউৰোপৰ দেশসমূহৰ সৈতে সম্পৰ্ক উন্নীত হৈছে৷ আৰু কেতিয়াবা অবনতিও হৈছে৷ কিন্তু ভাৰতৰ সৈতে ৰাছিয়াৰ সম্পৰ্ক কেতিয়াও বেয়া হোৱা নাই৷ ৰাছিয়াক লৈ ভাৰতবাসীৰ মনত এটা আৱেগ আছে৷’
উল্লেখ্য যে ইউক্ৰেইন যুদ্ধৰ সময়ত ভাৰতে কম দামত ৰুছ তেল ক্ৰয় কৰাক লৈ দীৰ্ঘদিন ধৰি আপত্তি তুলি আহিছিল আমেৰিকাই৷ এই বিষয়টো উল্লেখ কৰিয়েই ভাৰতীয় পণ্য ৫০শতাংশ শুল্ক আৰু জৰিমনাও দিছে মাৰ্কিন প্ৰেছিডেণ্ট ট্ৰাম্পে৷ যিয়ে দুই দেশৰ সম্পৰ্কত খেলিমেলিৰ সৃষ্টি কৰিছে৷ এই পৰিস্থিতিত ভাৰতে আৰু ৰাছিয়াৰ কাষ চপাক লৈ ৱাছিংটন চিন্তাত পৰিছে বা ইয়াক ভাল চকুৰে তেওঁলোকে চোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
