ভৰিৰ বিষ প্ৰায়সংখ্যক মহিলাৰেই প্ৰধান সমস্যা৷ বয়সৰ গণ্ডি ৪৫ পাৰ হলেই আঁঠুৰ বিষ প্ৰায়সকলৰে প্ৰধান সমস্যা৷ কিন্তু কিয় এনেকৈ বিষ হয়? এই বিষ কমোৱাৰ উপায় কি?
বৰ্তমান মহিলাসকলৰ মাজত আঁঠু বিষৰ প্ৰৱণতা খুবেই বেছি৷ ভৰিৰ বিষত কষ্ট নোপোৱা মহিলা এতিয়া খুবেই কম৷ কাৰণ মহিলাৰ মাজত হাঁড়ক ক্ষয়ৰ প্ৰৱণতা সৰ্বাধিক৷ যাৰ ফলত আৰ্থ্ৰাইটিছত আক্ৰান্তৰ সংখ্যা সৰ্বাধিক৷ মহিলাৰ ক্ষেত্ৰত ৪০ বছৰ বয়সৰ পাছত আৰু পুৰুষৰ ক্ষেত্ৰত ৭০ বছৰ বয়সৰ পাছত এই ক্ষয় দেখা যায়৷
কিয় এই সমস্যা হয়?
বয়স দৈৰ্ঘ্যৰ অনুপাতে শৰীৰৰ অতিৰিক্ত ওজন, ধূমপান, ব্যায়াম, বহুক্ষণ ধৰি একে স্থানতে একেধৰণে বহি থকা কিংবা থিয় হৈ থকা, অতিৰিক্ত চিৰি বগোৱা, পৰ্যাপ্ত পৰিশ্ৰমৰ অভাৱ, সকলোতেই অষ্টিওআৰ্থ্ৰাইটিছৰ প্ৰধান ৰিস্ক ফেক্টৰ৷ এইক্ষেত্ৰত শৰীৰত কি হয় জানেনে? বয়স বঢ়াৰ লগে লগে হাড়ৰ ঘনত্ব কমিবলৈ আৰম্ভ কৰে৷ মেনোপজৰ পাছত ৰক্ষাকবচ হৰমন ইষ্ট্ৰোজেন কমিবলৈ আৰম্ভ হয় তেতিয়াই অন্যান্য অসুবিধাৰ সৈতে হাড়ৰ সমস্যা বাঢ়িব ধৰে৷ ফলত হাড়ৰ ঘনত্ব কমি থাকে আৰু পেশিও দুৰ্বল হয়৷ ইয়াৰ সৈতে হাড় ক্ষয় যাবলৈ আৰম্ভ কৰে৷ আঁঠুৰ কাৰ্টিলেজ ক্ষয় আঁঠুৰ বিষৰ প্ৰধান কাৰণ৷
কেতিয়া সাৱধান হব?
প্ৰথমে আঁঠু চিধাকৈ ৰাখি তাৰপিছত আঁঠুত হাতেৰে ধৰি যদি ঘূৰাই দিয়ে তেতিয়া এটা শব্দ অনুভৱ কৰিব৷ এই শব্দ কৰা আৰম্ভ হলেই সাৱধান হোৱা জৰুৰী৷ ইয়াক চিকিৎসকৰ পৰিভাষাত কোৱা হয় পাল্পেবল ক্ৰেপিটাছ৷ ইয়াৰোপৰি আৰু কিছু সাধাৰণ লক্ষণ আছে যেনে তলত বহিলে উঠাত অসুবিধা, চিৰি বগোৱাত অসুবিধা আদি৷ যদি সমান ৰাস্তাত খোজ কাঢ়িবলৈকো সমস্যা হৈছে তেন্চে বুজিব যে এডভান্স ষ্টেজলৈ গৈছে আপোনাৰ আৰ্থ্ৰাইটিছ৷
চিকিৎসা কি?
আর্থ্ৰাইটিছ বা হাড়ৰ ক্ষয় দুই ধৰণে হয়৷ প্ৰথমে দুই পৰ্যায়ত ঔষধ কিংবা সাধাৰণ ব্যায়ামৰ মাধ্যমেৰে ঠিক কৰা হলেও গ্ৰেড থ্ৰি পৰ্যায়লৈ গলে ভৰি বেকা হৈ পৰে৷ অসহ্য বিষত অচল হৈ পৰে জীৱন৷ এইক্ষেত্ৰত যদি কোনোৱে স্বাভাৱিক জীৱন উভতাই বিচাৰে তেন্তে নি-জয়েণ্ট ৰিপ্লেছমেণ্ট একমাত্ৰ স্থায়ী আৰু নিৰাপদ সমাধান৷ আজিকালি বহুতেই আছে যে এই পৰ্যায়ত যোৱাৰ পূৰ্বেই অপাৰেছন কৰি পেলায়৷ কিন্তু এয়া সঠিক কাম নহয়৷
সাৱধানৰ মৰণ নাই
১. সৰুৰে পৰাই নিয়মিত পৰ্যাপ্ত পৰিমাণে শৰীৰচৰ্চা কৰা দৰকাৰ৷ নিয়মিত ৩০ মিনিট খোজ কাঢ়ক৷ অতিৰিক্ত ধূমপান আৰু মদ্যপানে ক্ষতি বঢ়ায়৷ ফাষ্টফুড বা অতিৰিক্ত চৰ্বি সমৃদ্ধ খাদ্য বৰ্জন কৰা জৰুৰী৷
২. এক স্থানত বেছিসময় থিয় হৈ থকা উচিত নহয়৷ অবেচিটি নিয়ন্ত্ৰণ কৰক৷ শৰীৰৰ নিম্নাংশৰ ফেট বা পেটৰ মেদ কমাব পাৰে৷
৩. মেনোপজৰ পাছত যিহেতু শৰীৰত কেলছিয়ামৰ ঘাটি বাঢ়ি যায় তেতিয়া পৃথক কৈ চাপ্লিমেণ্ট লব পাৰে৷ অৱশ্যে চিকিৎসকৰ পৰামৰ্শ মানি চলিব৷
৪. বিশেষকৈ যিসকলৰ এই ৰোগ এবাৰ ধৰা পৰি গলে নিয়মিত ব্যায়াম কৰক৷ ভাল হৈ গৈছে ভাৱি ব্যায়াম এৰি নিদিব৷ অন্যথা পূৰ্বৰ পৰ্যায়লৈ উভতি যাব৷
৫. খাদ্যভাষত দৈ, পাচলি আৰু দুগ্ধজাতীয় খাদ্য ৰাখক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
