অশান্তিৰ মাজতেই আকাশপথ বন্ধ কৰিলে ইৰানে, কি প্ৰভাৱ ভাৰতীয় উৰান পৰিসেৱাত? বাতিল হ’ব পাৰে এয়াৰ ইণ্ডিয়াৰ এইসমূহ ফ্লাইট

ঘৰে ঘৰে বিক্ষোভ তুংগত, বাহিৰৰ পৰা আমেৰিকাৰ ধমকি৷ বিক্ষোভকাৰীসকলৰ সমৰ্থনত মাৰ্কিন প্ৰেছিডেণ্ট ডোনাল্ড ট্ৰাম্পৰ ধমকিৰ পাছতেই হঠাৎ নিজৰ আকাশীপথ বন্ধ কৰিলে ইৰানে৷ ইয়াৰ প্ৰভাৱ পৰিছে ভাৰতৰ একাধিক এয়াৰলাইন্স সংস্থাৰ পৰিসেৱাত৷ সকলো আন্তৰ্জাতিক ৰুটৰ ফ্লাইটেই ইৰানৰ আকাশীপথ ব্যৱহাৰ কৰাত অসুবিধাত পৰিব পাৰে৷ ইয়াৰ সৈতে সমস্যাত পৰিছে ইৰান এৰি ভাৰতলৈ উভতিব খোজা নাগৰিকসকল৷

বুধবাৰে নিশা প্ৰথমে দুঘণ্টাৰ বাবে, তাৰপিছতেই অনিৰ্দিষ্টকালৰ বাবে আকাশসীমা বন্ধ ৰখাৰ সিদ্ধান্ত লৈছে খামেনেই চৰকাৰে৷ ইৰানৰ আকাশপথ বন্ধ হোৱাৰ বাবে সেই ৰুটেৰে উৰান বিলম্ব হৈছে আনকি বহু বিমান বাতিল হোৱাৰো সম্ভাৱনা আছে বুলি জনাইছে এয়াৰ ইণ্ডিয়াই৷ যাত্ৰীসকলৰ বাবে তেওঁলোকে এডভাইজাৰি জাৰি কৰিছে৷

বিমান সংস্থাই জনাইছে যে ইৰানৰ আকাশসীমা বৰ্তমান বাণিজ্যিক বিমানৰ বাবে বন্ধ৷ ইয়াৰ ফলত ইৰানৰ ওপৰেৰে যিসমূহ ফ্লাইট যোৱাৰ কথা আছিল সেইসমূহে বিকল্প পথেৰে যাত্ৰা কৰিছে৷ ইয়াৰ ফলত বিমানসমূহে গন্তব্যলৈ যাবলৈ কিছু সময় দেৰিও হব পাৰে৷ যাত্ৰীসকলৰ ওচৰত সেইবাবে ক্ষমাও বিচাৰিছে সংস্থাটোৱে৷ তেওঁলোকে জনাইছে যে ক্ৰ আৰু যাত্ৰীৰ সুৰক্ষাই তেওঁলোকৰ প্ৰাথমিক লক্ষ্য৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ