একেই ভুল বাৰে বাৰে কৰিছে নেকি এয়াৰ ইণ্ডিয়াই৷ ফুৱেল কন্ট্ৰল ছুইচত একেই বিসংগতি৷ যি বিসংগতিৰ বাবে আহমেদাবাদত সংঘটিত হৈছিল ভয়ংকৰ সেই বিমান দুৰ্ঘটনা৷ এইবাৰো বিসংগতিপূৰ্ণভাৱেই লণ্ডনৰ পৰা উৰি আহি বাংগালুৰু পালেহি এয়াৰ ইণ্ডিয়াৰ বোয়িং ৭৮৭ বিমান৷ এয়াৰ ইণ্ডিয়াৰ এখন বোয়িং ৭৮৭ ড্ৰিমলাইনাৰত সম্প্ৰতি বিসংগতি ধৰা কৰিছে৷ এয়াৰ ইণ্ডিয়াৰ তৰফৰ পৰা জনাইছে যে বিমানৰ বাওঁফালৰ ফুয়েল কন্ট্ৰল ছুইচ দুবাৰ ‘ৰান’ পজিছনত থাকিব নোৱাৰে৷ আৰু বিমানৰ ইঞ্জিন আৰম্ভ কৰাৰ সময়ত সেই চুইছ কাটঅফ পজিছনলৈ গুচি যায়৷ ইয়াৰপাছতেই গ্ৰাউণ্ডেড কৰা হয় এয়াৰ ইণ্ডিয়াৰ সেই বিমান৷
জনা গৈছে যে সোমবাৰে হিথৰোৰ পৰা বাংগালুৰুলৈ আহিছিল এ আই ১৩২ বিমানখন৷ সংবাদসংস্থা এ এন আইৰ সূত্ৰৰ খবৰ অনুসৰি পাইলটেই প্ৰথমে ফুয়েল কন্ট্ৰোল ছুইচৰ সমস্যাৰ কথা গম পায়৷ তাৰপিছতহে ব্যৱস্থা গ্ৰহণ কৰা হয়৷ এইবাৰো ঠিক তেনেকুৱাই হ’ল৷ বিমানৰ এজন পাইলটে প্ৰথমে এই সমস্যাৰ কথা জনায়৷ তেওঁ সন্দেহ কৰে যে ফুয়েল কন্ট্ৰোল ছুইচত কিছু ত্ৰুটি আছে৷ দ্ৰুত সেই সমস্যাৰ কথা জনায় পাইলটে৷ তাৰপিছত এয়াৰলাইন্স কৰ্তৃপক্ষই চোৱাচিতা কৰে বিমানখন৷
প্ৰাথমিকভাৱে পোৱা তথ্যৰ ভিত্তিত সেই নিৰ্দিষ্ট বিমানখন গ্ৰাউণ্ডেড কৰা হৈছে৷ যিয়ে এই বোয়িং তৈয়াৰ কৰিছিল তেওঁলোকেই এই সমস্যাও জানিব পাৰে৷ সেয়ে তেওঁলোকে এয়া পৰীক্ষা কৰে৷ জনা গৈছে যে এয়াৰ ইণ্ডিয়া কৰ্তৃপক্ষই সমস্ত বোয়িং ৭৮৭ এয়াৰক্ৰাফ্টৰ ফুয়েল কন্ট্ৰোল ছুইচৰ পৰীক্ষা কৰি আছে৷ অৱশ্যে কোনো সমস্যা এতিয়াও লাভ কৰা নাই৷ প্ৰসংগত উল্লেখ কৰা প্ৰয়োজন যে, ডি জি চি এৰ তৰফৰ পৰা এই নিৰ্দেশ দিয়া হৈছিল যে যাত্ৰীৰ নিৰাপত্তাই প্ৰাথমিক অগ্ৰাধিকাৰ হওক৷ কিন্তু এয়াৰ ইণ্ডিয়াই আকৌ সেই কথাক উলংঘন কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
