Smartphone Tips: বৰষুণৰ দিনবোৰ আৰম্ভ হৈছে। এই বৰষুণত নিজে তিতাৰ উপৰিও আটাইতকৈ ডাঙৰ চিন্তাৰ বিষয়টো হৈ পৰে ম’বাইলটো তিতিলে কি হ’ব? আজিকালি ম’বাইল ফোন আমাৰ জীৱনৰ এক অতি গুৰুত্বপূৰ্ণ অংশ। ফোনটো অবিহনে আমি এটা মুহূৰ্তও কটাব নোৱাৰোঁ। যদি বৰষুণত ফোনটো তিতে আৰু বন্ধ হৈ যায়, তেন্তে কি কৰিব?
এনে পৰিস্থিতিত বহুতে ভুল সিদ্ধান্ত গ্ৰহণ কৰে, যাৰ ফলত ফোন ঠিক হোৱাৰ পৰিৱৰ্তে ক্ষতিগ্ৰস্ত হয়। গতিকে আজি আমি আপোনালোকক জনাম যে, যদি আপোনাৰ ম’বাইলটো বৰষুণত তিতিলে কেনেকৈ ঠিক কৰিব।
শীঘ্ৰে কৰক এইকেইটা কাম
- যদি আপোনাৰ ফোনটো বৰষুণত তিতে, তেন্তে লগে লগে বন্ধ কৰক।
- ফোনটোৰ পৰা চিম কাৰ্ড আঁতৰাই দিয়ক।
- ফোনৰ পানী মচিবলৈ সদায় কপাহী কাপোৰ ব্যৱহাৰ কৰক।
- ইয়াৰ উপৰিও ফোনটো সোনকালে শুকুৱাবলৈ ফেনৰ ওচৰত ৰাখক।
- ইয়াৰোপৰি চাউলৰ ভিতৰতো থ’ব পাৰে।
এইবোৰ নকৰিব
- যদি আপোনাৰ ফোনটো বৰষুণত তিতে, তেন্তে ফোনটো অন কৰিবলৈ খৰখেদা নকৰিব। ইয়াৰ ফলত শ্বৰ্ট চাৰ্কিট হ’ব পাৰে।
- ফোনটো শুকুৱাবলৈ হেয়াৰ ড্ৰাইয়াৰ ব্যৱহাৰ নকৰিব, কিয়নো ইয়াৰ ফলত ইয়াৰ ভিতৰৰ অংশৰ ক্ষতি হ’ব পাৰে।
- তিতাৰ ফোনত লগে লগে চাৰ্জ নকৰিব।
- তিতা ফোনটো জোকাৰি নিদিব, ফলত অন্য অংশৰ ভিতৰত পানী সোমাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
