এতিয়াৰে পৰা আপুনি ফেচবুকত আনৰ কন্টেন্ট চুৰি কৰি নিজৰ একাউণ্টত কপি-পেষ্ট কৰি পোষ্ট কৰিব নোৱাৰিব। ফেচবুকত কপি আৰু ভুৱা কন্টেন্টৰ বিৰুদ্ধে যুঁজিবলৈ Meta ই নতুন আহিলা আৰু গাইডলাইন ব্যৱহাৰ কৰিছে। ক্ৰিয়েটৰসকলে এতিয়া ডেচব’ৰ্ডৰ জৰিয়তে কপি কৰা বিষয়বস্তুৰ প্ৰতিবেদন দিব পাৰিব। Meta ৰ মতে, এই প্লেটফৰ্মত বাঢ়ি অহা AI জেনেৰেটৰ কপি আৰু ভুৱা কন্টেন্টৰ প্ৰচলন ৰোধৰ বাবে পদক্ষেপ গ্ৰহণ কৰা হৈছে।
Meta ই বুজাই দিয়ে যে, ফেচবুকত ক্ৰিয়েটৰসকলৰ হাতত এতিয়া এটা কেন্দ্ৰীভূত ডেচব’ৰ্ড (centralized dashboard) থাকিব, যাৰ জৰিয়তে তেওঁলোকে আনে কপি কৰা বা পোষ্ট কৰা বিষয়বস্তুৰ ওপৰত সহজেই একচন ল’ব পাৰিব। এই আপডেইটৰ মূল উদ্দেশ্য হৈছে প্ৰতিবেদন প্ৰক্ৰিয়া সৰল কৰা। পূৰ্বে বিভিন্ন পদৰ বাবে পৃথক পৃথক প্ৰতিবেদন দাখিল কৰিবলগীয়া হৈছিল যদিও এতিয়া ক্ৰিয়েটৰসকলে এটা ঠাইৰ পৰা একাধিক অভিযোগ দাখিল কৰিব পাৰিব। ইয়াৰ ফলত কপি কৰা বিষয়বস্তুৰ ওপৰত দ্ৰুতগতিত ব্যৱস্থা গ্ৰহণ কৰিব পাৰিব বুলি আশা কৰা হৈছে।
Meta ই ফেচবুকৰ কন্টেন্ট গাইডলাইনো আপডেট কৰি কোম্পানীয়ে কি অৰিজিনেল কন্টেন্ট সেয়া চোৱাটো স্পষ্ট কৰিছে। কোনো ক্ৰিয়েটৰে প্ৰত্যক্ষভাৱে প্ৰস্তুত কৰা বিষয়বস্তু এতিয়া মৌলিক বুলি গণ্য কৰা হ’ব। নতুন বিশ্লেষণ, আলোচনা বা অতিৰিক্ত তথ্য প্ৰদান কৰিবলৈ অন্যৰ বিষয়বস্তুৰে ৰিমিক্স কৰা ৰীল বা ভিডিঅ’সমূহো এই শ্ৰেণীত অন্তৰ্ভুক্ত হ’ব পাৰে। এই পৰিবৰ্তনৰ উদ্দেশ্য হৈছে ক্ৰিয়েটৰসকলক উৎসাহিত কৰা আৰু কপি-পেষ্ট বিষয়বস্তু হ্ৰাস কৰা। যিয়ে নতুন নতুত কন্টেন্ট ক্ৰিয়েটৰসকলক আগবাঢ়ি যোৱাটো সহায় কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
