শিশু জন্ম হ’লেই লগে লগে DNA টেষ্ট বাধ্যতামূলক, ক’ত আৰম্ভ হৈছে এই নিয়ম? কিয় ইমান জৰুৰী জিনৰ পৰীক্ষা?

যেনে স্পাইনেল মাস্কুলাৰ এট্ৰফি, ছিকল চেল এনিমিয়া, চিষ্টিক ফাইব্ৰচিছ, হান্টিংটনৰ দৰে ৰোগ পৰবৰ্তী সময়ত ধৰা পৰিলে তাৰ চিকিৎসা পদ্ধতি খুবেই জটিল আৰু ব্যয়সাপেক্ষে৷ ৰোগ সম্পূৰ্ণ নিৰায়ম হোৱাৰ সম্ভাৱনাও কম৷ শিশু জন্ম হোৱাৰ সৈতে যদি তাৰ জিনৰ পৰীক্ষা কৰি ৰোগ সন্দৰ্ভত জানিব পাৰি৷

জিন কি? কিয় হয় এই জিনগত ৰোগ?

মানৱকোষ ২২যোৰ ক্ৰমজমেৰে তৈয়াৰ হয় আৰু ইয়াতে এযোৰ চেক্স ক্ৰমজম এক্স আৰু ৱাই৷ পিতৃ-মাতৃৰ পৰা এক্স আৰু ৱাই ক্ৰমজন আহিলে পুত্ৰ সন্তান আৰু এক্স-এক্স ক্ৰমজম আহিলে কন্যাসন্তান হয়৷ এই ক্ৰমজম হাজৰ হাজাৰ জিনেৰে তৈয়াৰ হয়৷ জিনে নিৰ্ধাৰণ কৰে কোন প্ৰাণী দেখাত কেনে হব৷ তাৰ স্বভাৱ কেনে হব, কেনেকৈ জীৱনধাৰণ কৰিব সকলোবোৰ ইয়াৰ ওপৰতেই নিৰ্ভৰশীল৷

এই জিনৰ সাজ সজ্জাত যদি কোনো ত্ৰুটি থাকে অথৱা জিনৰ মাধ্যমেৰে ৰাসায়নিক সাল সলনি ঘটে৷ তেনে হলে জটিল ৰোগত আক্ৰান্ত হোৱাৰ আশংকা থাকে৷ জিনগত ৰোগ নিৰ্মূল কৰা প্ৰায় অসম্ভৱ, তাৰবাবে জিনৰ সাজসজ্জাত সালসলনি আনিব লাগে যি খুবেই জটিল পদ্ধতি৷

এতিয়া পৰ্যন্ত যিমান ধৰণৰ জেনেটিক ডিজঅৰ্ডাৰ পোৱা গৈছে সেয়া তিনি ভাগত ভাগ কৰা হয়৷ চিংগল জিন ডিজঅৰ্ডাৰ, ক্ৰমজমেল ডিজঅৰ্ডাৰ আৰু মাল্টি জিন ডিজঅৰ্ডাৰ৷ মাতৃ আৰু পিতৃৰ শৰীৰৰ পৰা অহা এটা জিনো যদি সলনি হয় তেন্তে সন্তানৰ জিনগত ৰোগত আক্ৰান্ত হোৱাৰ আশংকা ৫০শতাংশ৷ এই ধৰণৰ ৰোগৰ উদাহৰণ হৈছে হান্টিংটনছ ডিজিজ, মাৰফান চিনড্ৰোম, টিউবেৰাউছ স্কলেৰোচিচ ইত্যাদি৷ আকৌ পিতৃ আৰু মাতৃ দুজনেই যদি ৰাসায়নিকভাৱে সলনি হৈ যোৱা বা মিউটেটেড জিনৰ কপি বহন কৰে তেন্তে পৰবৰ্তী প্ৰজন্মৰ জিনগত ৰোগত আক্ৰান্ত হোৱাৰ আশংকা থাকে৷ সেই ক্ষেত্ৰত ৰবাৰ্টছ চিনড্ৰোম, চিকল চেল ডিজিজ, চিষ্টিট ফাইব্ৰচিছৰ দৰে ৰোগৰ আশংকা বাঢ়ে৷ তাৰ পূৰ্বেই যদি জিনৰ পৰীক্ষা কৰি ৰখা হয় তেতিয়া লাভ হব দুটা- প্ৰথম, ভৱিষ্যতে শিশুটিৰ দুৰাৰোগ্য ব্যাধিক ভূগাৰ আশংকা কম৷ দ্বিতীয়তে যদি জিনৰ ত্ৰুটি সংশোধন কৰি পেলোৱা হয় তেন্তে জিনগত ৰোগ আৰু পৰবৰ্তী প্ৰজন্মৰ মাজলৈ বিয়ৰি পৰাৰ সম্ভাৱনা নাই৷