মালাইকা অৰোৰা মানেই চৰ্চা। মালাইকা অৰোৰাৰ প্ৰায়ে প্ৰেমৰ উৰাবাতৰি ওলাই থাকে। কেতিয়াবা হীৰাৰ বেপাৰী, কেতিয়াবা নতুন অভিনেতা। অৰ্জুন কাপুৰৰ সৈতে ব্ৰেকআপৰ পিছৰে পৰা মলাইকাই প্ৰেম সন্দৰ্ভত মুখ বন্ধ কৰি ৰাখিছে। অৱশ্যে বিয়াৰ বিষয়টো আহিলে মলাইকাই বাৰে বাৰে কয় যে, তেওঁ হয়তো পুনৰ বিয়া হ’ব নিজৰ ভালপোৱা মানুহজনৰ লগত।
বলীউডৰ ‘চাইয়া চাইয়া’ গাৰ্ল মলাইকা অৰোৰা গ্লেমাৰ আৰু ফিটনেছৰ বাবে জনপ্ৰিয়। কিন্তু তেওঁৰ কামতকৈ বেছি ব্যক্তিগত জীৱনৰ কথা ভাইৰেল হৈ থাকে। যোৱা বছৰৰ পৰা হীৰা ব্যৱসায়ী হৰ্ছৰ সৈতে তেওঁৰ সম্পৰ্কৰ উৰাবাতৰি বিয়পিবলৈ আৰম্ভ কৰিছিল। ইয়াৰ পিছত বিদেশত অৱসৰ-বিনোদন কৰা আৰু শেহতীয়াকৈ স্প্লিটভিলাৰ সৌৰভৰ সৈতে এটা অন্তৰংগ নৃত্য ভিডিঅ’ – অভিনেত্ৰীগৰাকীয়ে এতিয়া ইজনৰ পিছত সিজন পুৰুষৰ সৈতে থকা সম্পৰ্কৰ বিষয়ে মুকলিকৈ কৈছে।
আৰবাজ খানৰ সৈতে বিচ্ছেদ হোৱাৰ পিছতো নতুন ঘৰ সাজিব পৰা নাই মলাইকাই। সন্তানক অকলশৰীয়া মাতৃ হিচাপে ডাঙৰ-দীঘল কৰি এই গ্লেমাৰাছ পৃথিৱীখনত জীয়াই থকাটো কঠিন নেকি? এই সন্দৰ্ভত মলাইকাই কয় যে তেওঁ নিজকে যিদৰে গঢ়ি তুলিছে তাক লৈ তেওঁ অতি গৌৰৱান্বিত। তেওঁ কয়, “মই এতিয়া মোৰ জীৱনত বহুত সুখী। মোৰ যি আছে তাতেই সন্তুষ্ট। মোক সম্পূৰ্ণ কৰিবলৈ পুৰুষৰ প্ৰয়োজন নাই।”
মলাইকাই কয়, জীৱন সংগী থকাটো নিশ্চিতভাৱে এক সুন্দৰ অনুভৱ, কিন্তু তেওঁ কাৰোবাক বিচাৰি হাহাকাৰ কৰিব নাই। মালাইকাই স্পষ্ট কৰি দিলে, “জীৱনত একো পৰিকল্পনা কৰা নহয়। কিবা এটা হ’ব লগা হ’লে হ’বই। মোৰ মনত এনে কোনো হেঁপাহ নাই।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
