গা ধোৱাটো আমাৰ দৈনন্দিন কাম-কাজৰ এক অপৰিহাৰ্য অংশ, কিন্তু সঠিকভাৱে গা ধোৱাটোও সমানেই গুৰুত্বপূৰ্ণ। আয়ুৰ্বেদৰ মতে স্নানে কেৱল শৰীৰ পৰিষ্কাৰ কৰাই নহয়, মন আৰু শৰীৰক শান্ত আৰু ভাৰসাম্য ৰক্ষা কৰে। প্ৰতিজন ব্যক্তিৰ স্বভাৱ বেলেগ বেলেগ, গতিকে গা ধোৱাৰ বাবে ব্যৱহাৰ কৰা পানীও বেলেগ বেলেগ হ’ব লাগে। গৰমৰ দিনত প্ৰায় সকলোৱে গা ধোৱাৰ বাবে ঠাণ্ডা পানী ব্যৱহাৰ কৰে। সুস্থ হৈ থাকিবলৈ আয়ুৰ্বেদিক নিয়মবোৰ মনত ৰাখিব লাগে।
আয়ুৰ্বেদত শৰীৰক তিনিটা দোষত ভাগ কৰা হৈছে- বাত, পিত্ত, আৰু কফ। সুস্থ শৰীৰ বজাই ৰাখিবলৈ উপযুক্ত ভাৰসাম্য ৰক্ষাৰ প্ৰয়োজন। গা ধোৱা পানীৰ উষ্ণতাৰ প্ৰতি লক্ষ্য ৰাখি এই দোষৰ ভাৰসাম্য বিঘ্নিত কৰিব পাৰে। মনত ৰাখিব, আপোনাৰ শৰীৰৰ শাৰীৰিক স্বভাৱৰ বাবে উপযুক্ত পানীৰে গা ধুলে শৰীৰটো সুস্থ হৈ থাকিব আৰু বহুতো স্বাস্থ্যজনিত সমস্যাৰ পৰা হাত সাৰিব।
গা ধোৱা পানী কেনেকুৱা হ’ব লাগে?
বাত প্ৰকৃতিৰ লোক: যদি আপোনাৰ ছাল শুকান আৰু হাত ভৰি ঠাণ্ডা হয় তেন্তে আপোনাৰ বাত প্ৰকৃতি হ’ব পাৰে। এনে লোকে কুহুমীয়া পানীৰে গা ধুব লাগে। গা ধোৱাৰ পিছত শৰীৰত তেল প্ৰয়োগ কৰিলে অতি উপকাৰী। ইয়াৰ ফলত ছালখন মইশ্ব’ৰাইজ কৰি শুকানতা কমি যায়।
কফ প্ৰকৃতিৰ লোক: যিসকল লোকে প্ৰায়ে গধুৰতা, আলস্য, বা চৰ্দি অনুভৱ কৰে তেওঁলোক কফ প্ৰকৃতিৰ হ’ব পাৰে। এনে লোকে গৰম পানীত গা ধুব লাগে। ঠাণ্ডা পানীত গা ধুলে কফে কষ্ট দিব পাৰে। কফ প্ৰকৃতি থকাসকলৰ বাবে ৰাতিপুৱা গা ধুই দুপৰীয়াৰ পিছত গা ধুই নোযোৱাটো ভাল।
পিত্ত প্ৰকৃতি থকা লোক: যদি আপুনি অত্যধিক গৰম অনুভৱ কৰে, অত্যধিক ঘাম ওলায়, বা ব্ৰণ আৰু বিৰক্তিত ভুগি থাকে তেন্তে আপোনাৰ পিত্ত প্ৰকৃতি হ’ব পাৰে। এনে ক্ষেত্ৰত স্বাভাৱিক বা অলপ ঠাণ্ডা পানীৰে গা ধোৱাটো ভাল। অতি ঠাণ্ডা পানী ব্যৱহাৰ কৰাটো পৰিহাৰ কৰিব লাগে, কিয়নো ইয়াৰ ফলত শৰীৰৰ ভাৰসাম্য বিঘ্নিত হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
