এইবাৰ IPL ত ৰাজস্থান ৰয়েলছৰ খেলুৱৈ বৈভৱ সূৰ্যবংশীয়ে সকলোৰে দৃষ্টি আকৰ্ষণ কৰিছে। ইণ্ডিয়ান প্ৰিমিয়াৰ লীগত ৰাজস্থান ৰয়েলছৰ হৈ আচৰিত বেটিং কৰিছে। সেই কাৰণেই প্ৰতিখন মেচতে নতুন অভিলেখ গঢ়িবলৈ সক্ষম বৈভৱ। মুম্বাই ইণ্ডিয়ানছৰ বিৰুদ্ধে খেলখনত বৈভৱে ১৪ টা বলত ৩৯ ৰানৰ শক্তিশালী ইনিংছ খেলি এই ইনিংছত ৫টা ছয় মাৰে। তেওঁ যশপ্ৰীত বুমৰাহৰ বিৰুদ্ধে এক অভিলেখ গঢ়ি তুলিছে।
এই পাঁচটা ছয়ৰ ভিতৰত ২টা হিট হৈছিল যছপ্ৰীত বুমৰাৰ বিৰুদ্ধে। বৰ্তমান যুগৰ অন্যতম বলাৰ বুমৰাহ। আনকি তেওঁৰ বিৰুদ্ধে কঁপি উঠে বিশ্বৰ শীৰ্ষ বেটছমেন। সেই কাৰণেই বিৰাট কোহলীৰ দৰে কিংবদন্তি এজনেও আই পি এল কেৰিয়াৰত বুমৰাহৰ বিৰুদ্ধে মাত্ৰ তিনিটা ছয়হে কৰিবলৈ সক্ষম হৈছে, পাৱাৰ প্লে’ত ৪০টা বলৰ মুখামুখি হোৱাৰ বিপৰীতে বৈভৱে মাত্ৰ ৫টা বলত দুটা ছয় মাৰিবলৈ সক্ষম হৈছে। সেয়ে বৈভৱে দ্বিতীয়বাৰৰ বাবে পাৱাৰ প্লে’ত বুমৰাহৰ মুখামুখি হ’লে বিৰাট কোহলীৰ অভিলেখ ভংগ কৰিব বুলি আশা কৰা হৈছে।
আই পি এল ২০২৬ত বৈভৱ সূৰ্যবংশীয়ে নিৰ্দিষ্ট পৰিকল্পনাৰে বেটিং কৰি আছে। সূৰ্যবংশীয়ে উল্লেখ কৰে যে, তেওঁৰ লক্ষ্য হৈছে পাৱাৰ প্লেৰ প্ৰথম ছয় অভাৰত বিস্ফোৰক বেটিং কৰি সন্মুখৰ পক্ষক মেচৰ পৰা বাহিৰ কৰা। ঠিক তেনেকুৱাই কৰি আছে। তেওঁ মুম্বাই ইণ্ডিয়ানৰ বিৰুদ্ধেও একেধৰণৰ পন্থা প্ৰদৰ্শন কৰিছিল। বৰষুণ প্ৰভাৱিত এখন খেলত বৈভৱে তেওঁৰ সংগী যশস্বী জয়ছৱালৰ সৈতে ৩০ টা বলত দলৰ স্ক’ৰ ৮০ ৰানলৈ বৃদ্ধি কৰে।
বৈভৱৰ আউট হোৱাৰ পাছত যশস্বীয়ে নিজৰ বিস্ফোৰক বেটিং অব্যাহত ৰাখে। ইয়াৰ পিছত অপৰাজিত ৭২ ৰান কৰি নিৰ্ধাৰিত ১১ অভাৰত দলক ১৫০ ৰানলৈ লৈ যায়। ৰাজস্থানৰ স্ক’ৰৰ প্ৰতিক্ৰিয়া স্বৰূপে মুম্বাইৰ ইনিংছ আৰম্ভণিতে লৰচৰ কৰিছিল, আৰু দলটোৱে ১১ অভাৰত ৯ উইকেটৰ বিনিময়ত মাত্ৰ ১২৯ ৰানহে কৰিবলৈ সক্ষম হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
