তাৰকাসকলৰ সৰ্বক্ষণৰ সংগী হৈ থাকে তেওঁলোক৷ প্ৰতিমুহূৰ্ততে তাৰকাসকলক সুৰক্ষা দি থাকে৷ জানেনে বলীউডৰ তাৰকাসকলৰ দেহৰক্ষীসকলে মাহিলী কিমান টকা দৰমহা লাভ কৰে? শ্বাহৰুখ খানৰ প্ৰাক্তন দেহৰক্ষীয়ে দিয়া এক সাক্ষাৎকাৰত পোহৰলৈ আহিছে সকলো তথ্য৷ শ্বাহৰুখৰ প্ৰাক্তন দেহৰক্ষীয়ে জনাইছে যে, দেহৰক্ষীয়ে কোটি কোটি টকা আয় কৰে বুলি যিসমূহ খবৰ প্ৰকাশিত হয় এই সকলোবোৰেই মিছা খবৰ৷ দেহৰক্ষীসকলে মাহিলী নিৰ্দিষ্ট কিছু দৰমহা লাভ কৰে৷ বছৰত কোটি কোটি টকা আয় কৰা বিতৰ্কক লৈ কি কৈছে শ্বাহৰুখৰ প্ৰাক্তন দেহৰক্ষী ইয়াছিন খানে?
শ্বাহৰুখৰ প্ৰাক্তন দেহৰক্ষীৰ স্পষ্ট বক্তব্য, এই ধৰণৰ দৰমহাৰ পৰিসংখ্যা অত্যন্ত অতিৰঞ্জিত৷ কেৱল সেয়াই নহয়, বছৰত ২ৰ পৰা ২.৫ কোটি টকা আয়ৰ পৰিসংখ্যাও সম্পূৰ্ণ মিছা৷ এক সাক্ষাৎকাৰত তেওঁৰ প্ৰাক্তন দেহৰক্ষী ইয়াছিন খানে কৈছে, ‘বেছিভাগ দেহৰক্ষীয়েই এক নিৰ্দিষ্ট দৰমহা পায়৷ কিছুক্ষেত্ৰত তেওঁৰ চিনেমাৰ শ্বুটিং বা বিশেষ কামৰ বাবে অতিৰিক্ত পাৰিশ্ৰমিক পাব পাৰে৷ কিন্তু এই সুযোগ সকলোৰে হাতলৈ নাহে৷ ছচিয়েল মিডিয়াত ১০ লাখ মাহিলী দৰমহা বুলি যিসমূহ গুজৱ চলি থাকে এইবোৰ একেবাৰেই মিছা৷ বেছিভাগ ক্ষেত্ৰতে অভিজ্ঞ দেহৰক্ষীয়ে মাহিলী প্ৰায় ১লাখ মানহে দৰমহা পায়৷’
দেহৰক্ষীয়ে সাধাৰণতে চুক্তিৰ ভিত্তিত কাম কৰে বুলি জনাইছে ইয়াছিনে৷ আগতে চিনেমাৰ শ্বুটিঙৰ সময়ত চুক্তিৰ ব্যৱস্থা ইমান ষ্ট্ৰং নাছিল৷ কিন্তু এতিয়া এই বিষয়টোৰ উল্লেখনীয় উন্নতি হৈছে৷ চলচ্চিত্ৰ তাৰকাসকলৰ দেহৰক্ষীসকলে তেওঁলোকৰ জীৱনত এক গুৰুত্বপূৰ্ণ ভূমিকা পালন কৰে৷ কিন্তু স্বীকৃতি মুঠেও নাপায়৷ তেওঁলোকৰ কাম কেৱল তাৰকাজনক ভালে ৰখাৰ৷ সকলোৰে ওপৰত নজৰ ৰখাৰ, যাতে কোনো ডাঙৰ ঘটনা নহয়৷ কেৱল শ্বাহৰুখ খানেই নহয়, ইয়াছিন খানে বিৰাট কোহলি আৰু শচীন তেণ্ডুলকাৰৰ দৰে তাৰকাৰ সৈতেও কাম কৰিছে৷
সম্প্ৰতি ইয়াছিনে কয়, ‘মোৰ ধাৰণা যে ছচিয়েল মিডিয়াই ভুল বাৰ্তা বিয়পাইছে৷ কোনোৱে যদি কোনো ডাঙৰ তাৰকাৰ দেহৰক্ষী হয় তেতিয়াও এক নিৰ্দিষ্ট অংকৰ দৰমহাই তেওঁ লাভ কৰে৷ যদি চিনেমাতো তাৰকাৰ সৈতে ওলোৱাৰ সুযোগ পায় তেতিয়া সেয়া প্ৰযোজকৰ ওপৰত নিৰ্ভৰ কৰি সেই চিনেমাত ওলোৱাৰ বাবে এক নিৰ্দিষ্ট ধন তেওঁক দিয়া হয়৷’
এটা সময়ত ইণ্ডাষ্ট্ৰিত দেহৰক্ষীয়ে কোনো পাৰিশ্ৰমিকেই পোৱা নাছিল বুলিও মত ইয়াছিনৰ৷ সেই সময়ত নিয়ম আছিল যে প্ৰযোজকে কেৱল ড্ৰাইভাৰ, মেকআপ মেন আৰু স্পট বয়সকলেই পাৰিশ্ৰমিক পাইছিল৷ শ্বাহৰুখ খানৰ সৈতে কাম কৰিবলৈ আৰম্ভ কৰাৰ সময়ত নিজকে অভিনেতাৰ ধাৰণা কৰিয়েই কাম কৰিছিল৷ চিনেমা তৈয়াৰৰ সময়ত আমি আমাৰ দায়িত্ব পালন কৰিছিলো৷ তেতিয়া যিমানেই পাৰিশ্ৰমিক পাইছিলো সেই ধনেৰে কেৱল জীৱন চলিহে আছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
