অসম লাইভ ২৪ঃ পুনৰ আৰম্ভ হ’ল বলীউডৰ জনপ্ৰিয় অভিনেত্ৰী কংগনা ৰানাৱট আৰু পঞ্জাৱৰ জনপ্ৰিয় গায়ক তথা অভিনেতা দলজিত দ’ন্সাজৰ টুইটাৰ ৱাৰ। বিগত সময়চোৱাত দিল্লীৰ কৃষক বিদ্ৰোহৰ প্ৰতি সমৰ্থন আগবঢ়োৱা দলজিতৰ বিৰুদ্ধে টুইটাৰত প্ৰায়েই সৰৱ হোৱা দেখা গৈছিল অভিনেত্ৰীগৰাকীক। আনকি কিছুদিন পূৰ্বলৈ দুয়োৰে টুইট আছিল ট্ৰেণ্ডিঙত। মঙলবাৰে পুনৰ কংগনাই টুইটাৰত আক্ৰমণ কৰে দলজিতক। দলজিতে নিজৰ টুইটাৰ হেণ্ডেলত শ্বেয়াৰ কৰিছিল বিদেশত শীতৰ আমেজ লৈ থকা কেইখনমান ফটো। সেই ফটোকেইখনক ৰি-টুইট কৰি কংগনাই লিখে ‘বাহ ভাই! দেশত জুই লগাই, কৃষকক ৰাজপথলৈ আগবঢ়াই স্থানীয় বিপ্লৱীয়ে বিদেশৰ মাটিত শীতৰ মজা লৈ আছে। ইয়াকেই কয় স্থানীয় বিপ্লৱী’। ইয়াৰ প্ৰত্যুত্তৰত দলজিতে টুইট কৰে ‘মই নাজানো, তেওঁৰ কৃষকক লৈ কিয় ইমান সমস্যা? সকলো পঞ্জাৱীয়েই কৃষকৰ লগত আছে আৰু কোনেও আপোনাৰ কথা পাতি থকা নাই’। এতিয়া কংগনাৰ কি উত্তৰ হ’ব তাক লৈ অপেক্ষা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
