উত্তৰাখণ্ডৰ ৰুদ্ৰপ্ৰয়াগ জিলাত অৱস্থিত কেদাৰনাথ মন্দিৰ মহাদেৱৰ দ্বাদশ জ্যোতিৰ্লিঙ্গৰ অন্যতম৷ পঞ্চ কেদাৰৰ মাজত প্ৰধান হৈছে কেদাৰনাথ৷ ধাৰণা কৰা হয় পাণ্ডৱে মহাভাৰতৰ কুৰুক্ষেত্ৰৰ যুদ্ধৰ পাছত এই মন্দিৰ প্ৰতিষ্ঠা কৰিছিল৷ শিৱ ইয়াত স্বয়ম্ভূ৷ উত্তৰাখণ্ডৰ চাৰিধাম-কেদাৰনাথ, বদ্ৰীনাথ, গংগোত্ৰী আৰু যমুনাত্ৰীক লৈ চাৰধাম৷ অক্ষয় তৃতীয়াৰ পৰা এটা এটাকৈ চাৰিধামৰ দুৱাৰে খুলিছে৷ আজি ২২ এপ্ৰিল কেদাৰনাথ মন্দিৰৰ দুৱাৰ খুলি যোৱাৰ লগে লগেই আৰম্ভ হৈছে চাৰিধাম যাত্ৰা৷ জানি থওক কেদাৰনাথ মন্দিৰৰ অজানা ৰহস্য৷
নন্দীৰ ৰূপ লয় মহাদেৱে
কুৰুক্ষেত্ৰৰ যুদ্ধৰ পাছত ব্ৰহ্মহত্যা আৰু আত্মীয় হত্যাৰ পাপৰ পৰা মুক্তি পাবলৈ শ্ৰীকৃষ্ণৰ উপদেশত মহাদেৱৰ বিচাৰিবলৈ কেদাৰলৈ আহে পঞ্চপাণ্ডৱ৷ কিন্তু পাণ্ডৱসকলৰ সন্মুখত আত্মপ্ৰকাশত অনিচ্ছুক মহাদেৱ নন্দীয়ে ষাঁড়ৰ ৰূপ ধৰে৷ কিন্তু ভীমে তেওঁক চিনিব পাৰি পিঠিৰ দিশত ধৰি লয়৷ নন্দীয়ে তেওঁৰ কুঁজ পেলাই অদৃশ্য হৈ যায়৷ সেয়ে কেদাৰনাথত শিৱলিংগ দেখাত ষাঁড়ৰ কুঁজৰ দৰে৷
পঞ্চকেদাৰৰ ৰহস্য
কথিত আছে কেদাৰনাথৰ পৰা অদৃশ্য হোৱাৰ পাছত মহাদেৱৰ শৰীৰৰ ওপৰৰ অংশ নেপালৰ কাঠমাণ্ডুত দৃশ্যমান হয়৷ তাতেই মহাদেৱ পশুপতিনাথ ৰূপে পূজিত হয়৷ আৰু তেওঁৰ হাত দৃশ্যমান হয় তুংগনাথত, মুখ ৰুদ্ৰনাথত, নাভিদেশ মহাবালেশ্বৰ আৰু চুলি কল্পেশ্বৰ৷ এই পাঁচ স্থানক পঞ্চকেদাৰ নামেৰে জনা যায়৷
কেদাৰনাথত স্বয়ম্ভূ শিৱ
কেদাৰনাথত শিৱলিংগ স্বয়ম্ভূ, অৰ্থাৎ ইয়াত শিৱলিংগ নিজৰ পৰাই উত্থিত হৈছে৷ শিৱ পুৰাণ অনুসৰি পাণ্ডৱসকলৰ নাতি মহাৰাজা জনমেজৰ প্ৰতিষ্ঠা কৰিছিল৷ পাছত আদি শংকৰাচাৰ্যই এই মন্দিৰৰ পুনৰ্গঠন কৰে৷
৪০০ বছৰৰ তুষাৰ সমাধি
জিঅ’লজিষ্টসকলে জনাইছে যে প্ৰায় ৪০০ বছৰ ধৰি বৰফৰ তলত পোত হৈ আছিল এই মন্দিৰ৷ ত্ৰয়োদশ আৰু সপ্তদশ শতকৰ মাজত যি তুষাৰ যুগ আহিছিল সেই সময়ত হিমবাহত তলত এই মন্দিৰ সম্পূৰ্ণৰূপে পোত গৈ আছিল৷ কিন্তু ইয়াৰ পাছতো মন্দিৰৰ মূল কাঠামোৰ কোনো ক্ষতি হোৱা নাই৷
অদৃশ্য হ’ব কেদাৰনাথ আৰু বদ্ৰীনাথ
কিংবদন্তী অনুসৰি কেদাৰনাথ মন্দিৰৰ পিছত দুখন পাহাৰ আছে৷ সেই দুই পাহাৰৰ নাম নৰ আৰু নাৰায়ণ৷ কলিযুগত নৰ আৰু নাৰায়ণ এক হৈ যাব আৰু মচি যাব কেদাৰনাথ আৰু বদ্ৰীনাথ যাম৷ তেতিয়াই ভৱিষ্য বদ্ৰী নামৰ এক নতুন তীৰ্থক্ষেত্ৰৰ জন্ম হব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
