বিনোদন জগতত আকৌ দুঃসংবাদ৷ মাত্ৰ ৩০ বছৰ বয়সত মৃত্যু অভিনেত্ৰী দিব্যাংকাৰ৷ হৃদৰোগত আক্ৰান্ত হৈ মৃত্যু অভিনেত্ৰী দিব্যাংকা চিৰোহীৰ৷ জনা গৈছে হঠাৎ শৰীৰত অস্বস্তি অনুভৱ হোৱা বুলি জনোৱাত তেওঁক স্থানীয় এখন চিকিৎসালয়লৈ লৈ যোৱা হৈছিল৷ হাস্পতাললৈ লৈ যোৱা হৈছিল যদিও চিকিৎসকে মৃত বুলি ঘোষণা কৰে৷
উত্তৰপ্ৰদেশৰ বুলন্দচহৰত জন্ম দিব্যাঙ্কাৰ৷ খুবেই কম বয়সত বিনোদন জগতত ভৰি দিছিল তেওঁ৷ অভিনেত্ৰীৰ আকস্মিক মৃত্যুত এতিয়া বিনোদন জগতত শোকৰ ছাঁ৷ কিছুদিন ধৰি তেওঁ গাজিয়াবাদত পিতৃ মাতৃৰ সৈতে আছিল৷ কৰ্মসূত্ৰে দেশৰ বিভিন্ন প্ৰান্তত ঘূৰি ফুৰিলেও মৃত্যুৰ কিছুদিন পূৰ্বৰে পৰা নিজ ঘৰত আছিল দিব্যাংকা৷
দিব্যাংকাৰ পৰিয়ালৰ তৰফৰ পৰা অৱশ্যে বৰ্তমান পৰ্যন্ত কোনো বিবৃতি দিয়া হোৱা নাই৷ ছচিয়েল মিডিয়াত ইতিমধ্যেই তেওঁৰ সৈতে জড়িত থকা বহুতো লোকে শোকপ্ৰকাশ কৰিছে৷ দিব্যাংকা চিৰোহীয়ে চৰণ সিং বিশ্ববিদ্যালয়ৰ পৰা স্নাতক হোৱাৰ পাছতেই ছিকিমৰ বিশ্ববিদ্যালয়ৰ পৰা স্নাতকোত্তৰ ডিগ্ৰী অৰ্জন কৰিছিল৷ দিব্যাংকাৰ আছে এজন ভাতৃ আৰু এগৰাকী ভনীয়েক৷ খুবেই কম সময়ৰ ভিতৰত দিব্যাংকাই আঞ্চলিক বিনোদন জগতত নিজৰ চাপ ৰাখিবলৈ সক্ষম হৈছে৷ মাছুম শৰ্মাৰ সৈতে একাধিক মিউজিক ভিডিঅ’ত তেওঁ কাম কৰি পৰিচিত হৈ পৰিছিল৷ ছচিয়েল মিডিয়াতো দিব্যাংকাৰ ফলৱাৰৰ সংখ্যা চকুতলগা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
