ৰাজনৈতিক নেতা হিচাপে যথেষ্ঠ জনপ্ৰিয় ৰাঘৱ চাদ্দা। তেওঁৰ ইনষ্টাগ্ৰাম ফ’ল’ৱাৰচ দেখিলে সকলোৰে চকু কপালত উঠে। ২৪ এপ্ৰিললৈকে নেতাজনৰ ফ’ল’ৱাৰচ আছিল ১ কোটি ৪৬ লাখ। কিন্তু বিজেপিৰ শিবিৰত যোগদান কৰাৰ পিছত মাত্ৰ ২৪ ঘন্টাৰ পিছতে ৰাঘৱৰ ফ’ল’ৱাৰচ হোৰাহোৰে কমি যায়। এই মুহূৰ্তত তেওঁৰ ইনষ্টাগ্ৰাম ফ’ল’ৱাৰৰ সংখ্যা ১ কোটি ৩৬ লাখ। এটা সময়ত ৰাঘৱে বিজেপিৰ বিৰুদ্ধে বহু কথা কৈছিল, কিন্তু এতিয়া তেওঁ মন সলনি কৰি বিজেপিত যোগদান কৰিছে।
ফ’ল’ৱাৰচ কিয় কমি গ’ল? এজন নেটিজেনে লিখিছে, “ৰাঘৱ চাদ্দাই আন পাঁচজন নেতাৰ দৰে সুৰ সলনি কৰিবলৈ কুণ্ঠাবোধ নকৰাত বহুতে বিৰক্ত হৈছে। তেওঁলোকে আৰু তেওঁক অনুসৰণ কৰাৰ প্ৰয়োজন অনুভৱ নকৰে!” আন এজনে লিখিছে, “Gen Z অনুৰাগীৰ এটা অংশই বিৰক্ত হৈ ৰাঘৱক আনফ’ল’ কৰিলে।” এয়া কিমান সত্য সেয়া বুজিবলৈ টান।
ফ’ল’ৱাৰ হ্ৰাস পোৱা সন্দৰ্ভত কোনো মন্তব্য কৰা নাছিল ৰাঘৱে। পৰিনীতি চোপ্ৰাৰ ফ’ল’ৱাৰ আছে ৪ কোটি ২৯ লাখ। বলীউডৰ একাংশ শীৰ্ষ নায়িকাৰ তুলনাত পৰিনীতাৰ অনুৰাগীৰ সংখ্যা বহু কম। ৰাঘৱৰ ফ’ল’ৱাৰ হ্ৰাস পোৱাৰ ফলত পৰিনীতিৰ ফ’ল’ৱাৰ কাউণ্টত কিবা প্ৰভাৱ পৰিবনে নাই সেয়া হ’ব লক্ষ্যণীয়।
২৫ এপ্ৰিলত ৰাঘৱ চাদ্দাই দিল্লীত আপৰ সাংসদ সন্দীপ পাঠক আৰু অশোক মিত্তলৰ সৈতে সংবাদমেল অনুষ্ঠিত কৰিছিল। তেওঁ আম আদমী পাৰ্টি এৰি বিজেপিত যোগদান কৰাৰ কথা ঘোষণা কৰে। তেওঁৰ লগতে ৰাজ্যসভাৰ আপৰ দুই তৃতীয়াংশ সাংসদেও বিজেপিত যোগদান কৰে। এইসকল হ’ল হৰভজন সিং, স্বাতী মালিৱাল, সন্দীপ পাঠক, অশোক মিত্তল, ৰাজিন্দৰ গুপ্তা আৰু বিক্ৰম সাহনী। বৰ্তমান আপৰ ৰাজ্যসভাত ১০ জন সাংসদ আছে। ৰাঘৱে দাবী কৰিছে যে মাত্ৰ ৭ জন সাংসদেহে বিজেপিত যোগদান কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
