পুত্ৰৰ মৃত্যুত কান্দোনত ভাঙি পৰিছে শুভেন্দু অধিকাৰীৰ ব্যক্তিগত সহায়ক চন্দ্ৰনাথ ৰথৰ মাতৃ৷ বৃহস্পতিবাৰে তেওঁ সংবাদমাধ্যমৰ আগত ৰখা মন্তব্যত কয়, ‘দোষীয়ে কাঢ়া শাস্তি পাওঁ৷ মই এগৰাকী মাতৃ সেয়ে মই নিবিচাৰো কাৰোবাৰ ফাঁচী হওক৷’ চন্দ্ৰনাথৰ মৃত্যুৰ বাবে ৰাজ্যৰ বিদায়ী শাসকদল তৃণমূলৰ নেতাসকলৰ গৰম গৰম বক্তব্যকেই দায়ী কৰিছে চন্দ্ৰনাথৰ মাতৃয়ে৷
চন্দ্ৰনাথৰ মাতৃয়ে সংবাদমাধ্যমৰ আগত কৈছেষ ‘শাসকদলৰ নেতাসকলে গৰম গৰম বক্তৃতা দিছিল৷ কৈছিল চাৰি তাৰিখৰ পাছত দিল্লীৰ কোনো দেউতাকে আহি কাকো ৰক্ষা কৰিব নোৱাৰিব৷ সেয়াই দেখিলো৷’ ৰাজ্যৰ নতুন চৰকাৰৰ পৰা পুত্ৰৰ মৃত্যুৰ বিচাৰ বিচাৰিছে তেওঁ৷ চন্দ্ৰনাথৰ মাতৃয়ে কৈছে, ‘নতুন চৰকাৰ যিয়ে গঠন কৰিব তেওঁলোকৰ ওচৰত মোৰ অনুৰোধ, মোৰ পূত্ৰৰ মৃত্যুৰ দোষী বিচাৰি উলিয়াই সিহঁতৰ শাস্তি হওক৷’
বুধবাৰে নিশা মধ্যগ্ৰামৰ দোহাড়িয়াত গুলি কৰি হত্যা কৰা হৈছে শুভেন্দুৰ ব্যক্তিগত সহায়কক৷ বাহনত সেই সময়ত তেওঁৰ সৈতে আছিল আৰু এজন লোক৷ তেওঁৱো গুলিবিদ্ধ হৈছে৷ দুজনকেই প্ৰথমে মধ্যমগ্ৰামৰ এখন হাস্পতাললৈ স্থানীয় লোকে লৈ গৈছিল৷ তাতেই চিকিৎসকে চন্দ্ৰনাথক মৃত বুলি ঘোষণা কৰে৷ আনজন লোকক কলকাতাৰ বাইপাছৰ কাষৰ এখন হাস্পতাললৈ স্থানান্তৰিত কৰা হৈছে৷ নিহত চন্দ্ৰনাথৰ দেহ বুধবাৰে নিশা লৈ যোৱা হয় বাৰাছত মেডিকেল কলেজ আৰু হাস্পতালৰ মাৰ্গলৈ৷ তাতেই তেওঁৰ মৰোণোত্তৰ পৰীক্ষা হ’ব৷ তাৰপিছতহে দেহ চমজাই দিয়া হ’ব পৰিয়ালক৷’
চন্দ্ৰনাথ ৰথৰ হত্যাৰ তদন্তত বিশেষ তদন্তকাৰী দল গঠন কৰা হৈছে৷ এই তদন্তকাৰী দলত ৰাজ্যৰ আৰক্ষী বিষয়াসকলৰ ওপৰিও চিআইডিৰ বিষয়াও আছে৷ অৱশ্যে এই চিটত কিমান সদস্য আছে সেয়া এতিয়াও জানিব পৰা হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
