ৰাজ্যৰ শাসনভাৰ পুনৰ চম্ভালিব মুখ্যমন্ত্ৰী হিমন্ত বিশ্ব শৰ্মাই। ২য় বাৰৰ বাবে পুনৰ হ’ব মুখ্যমন্ত্ৰী। NDAৰ বিধায়কসকলে যৌথভাবে সৰ্বসন্মতি ক্ৰমে ড০ হিমন্ত বিশ্ব শৰ্মাক বিধায়িনী দলৰ নেতা হিচাপে নিৰ্বাচন কৰে। 
বিধায়িনী দলৰ বৈঠকত দ্বিতীয়বাৰলৈ হিমন্ত বিশ্ব শৰ্মাৰ নামেই আনুষ্ঠানিকভাৱে ঘোষণা কৰা হয়। ৮ জনকৈ বিধায়কে হিমন্ত বিশ্ব শৰ্মাৰ নাম নেতা হিচাপে প্ৰস্তাৱ কৰে।
ৰঞ্জিত দাস, অজন্তা নেওগ, পীযুষ হাজৰিকা, বিশ্বজিত দৈমাৰী, চক্ৰধৰ গগৈ, অশোক সিংহল, ৰাজদ্বীপ ৰায় আৰু ৰামেশ্বৰ তেলীয়ে ড০ হিমন্ত বিশ্ব শৰ্মাৰ নাম বিধায়িনী দলৰ নেতা হিচাপে প্ৰস্তাৱ কৰে। এই প্ৰস্তাৱক বিজেপিৰ আন ৭২ জন বিধায়কে সমৰ্থন কৰে।
বিয়লি ৰাজ্যপালক চৰকাৰ গঠনৰ আৰ্জি দিব NDAই। আজি সৰ্বসন্মতিক্ৰমে মুখ্যমন্ত্ৰী নিৰ্বাচন কৰা হয় হিমন্ত বিশ্ব শৰ্মাক।
হিমন্ত বিশ্ব শৰ্মাই ২০২১ চনৰ মে’ মাহত প্ৰথমবাৰৰ বাবে অসমৰ মুখ্যমন্ত্ৰী হৈছিল। এতিয়া পুনৰ ২০২৬ চনত পুনৰবাৰ মুখ্যমন্ত্ৰী হিচাপে দায়িত্ব গ্ৰহণ কৰিব।
১২মে’ত মুখ্য়মন্ত্ৰী ৰূপে শপত ল’ব হিমন্ত বিশ্ব শৰ্মাই। খানাপাৰাত অনুষ্ঠিত হ’ব বিশাল শপত গ্ৰহণ অনুষ্ঠান।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
