আজিৰ পৰা আৰম্ভ হৈছে তামিলনাডুৰ ৰাজনীতিত এক নতুন অধ্যায়। অভিনেতাৰ পৰা ৰাজনীতিবিদলৈ যাত্ৰা আৰম্ভ কৰিছে থালাপতি বিজয়ে। তামিলনাডুৰ নতুন মুখ্যমন্ত্ৰী শপত গ্ৰহণ বিজয়ৰ। চেন্নাইৰ নেহৰু ষ্টেডিয়ামত তেওঁ ৰাজ্যৰ নৱম মুখ্যমন্ত্ৰী হিচাপে শপত গ্ৰহণ কৰে। তেওঁৰ সমান্তৰালকৈ ৯ জন বিধায়কো মন্ত্ৰী হয়। ৫৯ বছৰৰ পাছত প্ৰথমবাৰৰ বাবে তামিলনাডুত গঠন হ’ল DMK-AIADMK চৰকাৰ। বিজয়ৰ শপত গ্ৰহণ অনুষ্ঠানত ৰাহুল গান্ধীও উপস্থিত থাকে।
শনিবাৰে ৰাজ্যপালক সাক্ষাৎ কৰি বিজয়ে চৰকাৰ গঠনৰ ৰাস্তা মুকলি কৰে। ৰাজ্যপালে তেওঁক মুখ্যমন্ত্রী নিযুক্তি দি বিধানসভাত সংখ্যাগৰিষ্ঠতা প্রমাণ কৰিবলৈ ২০২৬ চনৰ ১৩ মে’ পর্যন্ত সময় দিয়ে৷ সৰ্ববৃহৎ দল হিচাপে আত্মপ্ৰকাশ কৰা টিভিকে চৰকাৰ গঠনৰ বাবে যথেষ্ট সংগ্ৰামৰ সন্মুখীন হ’বলগীয়া হৈছিল। ইয়াৰ পিছতে ৰাজ্যপালগৰাকীয়ে বিজয়ক চৰকাৰ গঠনৰ বাবে আমন্ত্ৰণ জনায়।
অভিনেতা বিজয়ে শনিবাৰে ৰাজভৱনত ৰাজ্যপাল ৰাজেন্দ্ৰ বিশ্বনাথ আৰ্লেকাৰক সাক্ষাৎ কৰি ১২১ গৰাকী বিধায়কৰ সমৰ্থন পত্ৰ প্ৰদান কৰে। বিজয়ক কংগ্ৰেছ, চিপিআই, চিপিএম, ভিচিকে, আৰু আই ইউ এম এলৰ সমৰ্থনত আছে।
বিজয়ৰ সমৰ্থন আছে ১২১ জন বিধায়কৰ
বিজয়ৰ দলটোৱে ২৩৪খন আসনৰ ভিতৰত ১০৮খন আসন লাভ কৰে।মিত্ৰ দলৰ সমৰ্থনত বিজয়ৰ হাতত আছে ১২০জন বিধায়কৰ সমৰ্থন। সংখ্যাগৰিষ্ঠতাৰ বাবে ১১৮খন আসনৰ প্ৰয়োজন।
TVK-১০৮ (কাৰ্যকৰী সংখ্যা ১০৭)
- কংগ্ৰেছ – ০৫
- চিপিআই-০২
- চিপিএম-০২
- ভিচিকে-০২
- আই ইউ এম এল-০২
তামিলনাডুৰ সৰ্ববৃহৎ দল টিভিকে
অভিনেতা বিজয়ৰ দল টিভিকে তামিলনাডুৰ সৰ্ববৃহৎ দল হিচাপে আত্মপ্ৰকাশ কৰে। টিভিকে ১০৮খন আসনত জয়লাভ কৰে। তদুপৰি ডি এম কে দলে ৫৯ খন আৰু এ ডি এম কেয়ে ৪৭ খন আসন লাভ কৰে।ইফালে কংগ্ৰেছে ৫ খন আসন লাভ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
