মানুহ মাত্ৰেই পৃথক৷ দোষ-গুণ মিলিয়েই মানুহ৷ কোনো যদি বেছি চালাক কোনোবা আকৌ অঁকৰা৷ কোনোৱা আকৌ অত্যন্ত ভাল স্বভাৱৰ৷ কিন্তু কাৰ মনত কি আছে সেয়া দিব পাৰে জাতকৰ জন্মতাৰিখেহে৷ সংখ্যাতত্ত্বই কৈছে কিছু এনে মানুহ থাকে যি বাহিৰৰ পৰা অত্যন্ত শান্ত, নিৰীহ আৰু সহজ সৰল ধাৰণা হলেও তেওঁলোকৰ মনৰ ভিতৰত চলি থাকে গভীৰ চিন্তা আৰু নানান খেলা৷ সংখ্যাতত্ত্ব অনুসৰি কিছু বিশেষ মূল্যাংক বা জন্মসংখ্যাৰ জাতকৰ এনে তীক্ষ্ণ বুদ্ধি, পৰ্যবেক্ষণ ক্ষমতা আৰু কৌশলগত চিন্তাভাৱনা থাকে যিয়ে তেওঁলোকক মাষ্টাৰমাইণ্ড পাৰ্ছনেলিটি হিচাপে পৰিচিত কৰি তোলে৷
নিউমাৰলজিত মূল্যাংক নিৰ্ধাৰণ কৰা হয় জন্মতাৰিখৰ ভিত্তিত৷ উদাহৰণস্বৰূপে, আপোনাৰ জন্ম যদি কোনো মাহৰ ৮, ১৭, ২৬ তাৰিখে হয় তেতিয়া তেওঁলোকৰ মূল্যাংক হ’ব ৮৷
মূল্যাংক ৫
যাৰ জন্ম ৫, ১৪, ২৩ তাৰিখে তেওঁলোকৰ মূল্যাংক হয় ৫৷ এই সংখ্যাৰ উপৰত বুদ্ধিৰ গ্ৰহ বুধৰ প্ৰভাৱ থাকে৷ তেওঁলোক অত্যন্ত স্মাৰ্ট, দ্ৰুত সিদ্ধান্ত ল’বলৈ সক্ষম আৰু কথা কোৱাতো অত্যন্ত দক্ষ হয়৷ বাহিৰৰ পৰা শান্ত আৰু নিৰীহ ধাৰণা হলেও ভিতৰি অত্যন্ত ঠাণ্ডা মাথাৰ মানুহ৷ যিকোনো পৰিস্থিতিত খুবেই ভালধৰণে বিশ্লেষণ কৰে৷ মাইণ্ড গেমতো দক্ষ৷ তেওঁলোকে কৌশলেৰে পৰাজিত কৰিবলৈ ভালকৈয়ে জানে৷
মূল্যাংক ৭
৭, ১৬ বা ২৫ তাৰিখে জন্ম লোৱা ব্যক্তিৰ মূল্যাংক হৈছে ৭৷ তেওঁলোকৰ ওপৰত কেতু গ্ৰহৰ প্ৰভাৱ থাকে৷ যাৰবাবে খুবেই শান্ত, গভীৰ চিন্তাশীল আৰু পৰ্যবেক্ষণশীল স্বভাৱৰ হয়৷ তেওঁলোকে বেছি কথা নকয়৷ কিন্তু চাৰিওপাশৰ সকলোবোৰ খুবেই মনোযোগ দি লক্ষ্য কৰে৷ প্ৰয়োজনত নীৰৱে নিজৰ পৰিকল্পনা বাস্তবায়ন কৰে৷
মূল্যাংক ৮
৮, ১৭ আৰু ২৬ তাৰিখে জন্ম লোৱা ব্যক্তিৰ মূল্যাংক ৮৷ এই জাতকে ধীৰগতিত হলেও অত্যন্ত পৰিশ্ৰমী আৰু লক্ষ্যভেদী গুণৰ অধিকাৰী৷ নিজৰ কাম নীৰৱে সম্পন্ন কৰে আৰু বৃহৎ সাফল্য অৰ্জন কৰে৷ বহু সময়ত হঠাতেই তেওঁলোকৰ জীৱনলৈ সাফল্য আহে৷ তেওঁলোকৰ সকলোতকৈ ডাঙৰ বৈশিষ্ট্য হৈছে ধৈৰ্য্য আৰু সঠিক সময়ৰ বাবে অপেক্ষা কৰা৷ প্ৰতিশোধ বা ডাঙৰ সিদ্ধান্ত লোৱাৰ ক্ষেত্ৰতো সময়ক খুবেই গুৰুত্ব দিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
