বৈদিক জ্যোতিষশাস্ত্ৰত ৰাহুক এক ৰহস্যময় আৰু ছায়াগ্ৰহ হিচাপে বিবেচনা কৰা হয়৷ যিয়ে আকস্মিক, অপ্ৰত্যাশিত লাভ বা ক্ষতি দুয়োটাই কৰিব পাৰে৷ যেতিয়া ৰাহুৱে তাৰ গতিপথ সলনি কৰে তেতিয়া সমস্ত ১২ ৰাশিৰ জীৱনলৈ পৰিবৰ্তন আহে৷ ২০২৬ চনৰ ৩১মে ত ৰাহুৱে এক গুৰুত্বপূৰ্ণ নক্ষত্ৰ গোচৰৰ মাজেৰে পাৰ হ’ব৷
পঞ্চাঙ্গ অনুসৰি ৰাহুৱে শতভিষা নক্ষত্ৰৰ দ্বিতীয় পদৰ পৰা তাৰ প্ৰথম পদত প্ৰৱেশ কৰিব৷ ৰাহুৱে প্ৰায় ৬৪দিন এই পদত থাকিব৷ এই ৰাহু গোচৰ তিনিটা নিৰ্দিষ্ট ৰাশিৰ জাতক জাতিকাৰ বাবে সৌভাগ্য কঢ়িয়াই আনিব বুলি ধাৰণা কৰা হৈছে৷ যিয়ে কৰ্মজীৱন আৰু আৰ্থিক উভয় ক্ষেত্ৰতেই উল্লেখযোগ্য সুবিধা দিব৷ জানি থওক কোন কোন ৰাশিৰ বাবে আগন্তুক ৬৪ দিন শুভ হ’ব?
মিথুন ৰাশি
ৰাহুৰ গতিপথৰ এই পৰিবৰ্তন মিথুন ৰাশিৰ জাতকৰ বাবে শুভ হ’ব৷ কৰ্মজীৱনতো উন্নতি কৰিব৷ এই সময়ত কৰ্মৰত ব্যক্তিৰ পদোন্নতি বা অগ্ৰগতি হ’ব পাৰে৷ যিসকলে দীৰ্ঘদিন ধৰি নতুন চাকৰি বিচাৰি আছে তেওঁলোকে ভাল সুযোগ পাব৷ ব্যৱসায়ীসকলেও এই সময়ত এক গুৰুত্বপূৰ্ণ চুক্তি সম্পন্ন কৰিব পাৰে৷ যাৰ ফলত প্ৰচুৰ মুনাফা লাভ কৰিব পাৰে৷ বিলম্বিত আৰু অমীমাংসিত কাম দ্ৰুত সম্পন্ন হ’ব৷ এই সময়ত পঢ়ি থকা ছাত্ৰ ছাত্ৰীসকলেও শিক্ষাত অগ্ৰগতি কৰিব৷
তুলা ৰাশি
ৰাহুৰ এই নক্ষত্ৰ পৰিবৰ্তন তুলা ৰাশিৰ জাতকৰ জাতিকাৰ বাবে উন্নতিৰ নতুন দ্বাৰ উন্মোচন কৰিব৷ নতুন দায়িত্ব লাভ কৰিব পাৰে৷ কৰ্মক্ষেত্ৰত আপুনি নতুন আৰু ডাঙৰ দায়িত্ব পাব পাৰে৷ যিয়ে আপোনাৰ কৰ্মজীৱনক নতুন উচ্চতালৈ লৈ যাব৷ আপোনাৰ আৰ্থিক অৱস্তাৰ উল্লেখযোগ্য উন্নতি হব৷ ৰৈ থকা অৰ্থ উদ্ধাৰ কৰিব পাৰে৷ পৈতৃক সম্পত্তিৰ পৰা লাভৱান হোৱাৰ প্ৰৱল সম্ভাৱনা আছে৷ পাৰিবাৰিক সম্পৰ্ক আৰু মধুৰ হ’ব আৰু পাৰস্পৰিক বুজাপৰা উন্নত হ’ব৷ প্ৰেম জীৱনো সুখৰ হ’ব৷
কুম্ভ ৰাশি
কুম্ভ ৰাশিৰ জাতক জাতিকাৰ বাবে শতভিষা নক্ষত্ৰৰ প্ৰথম স্থানত ৰাহুৰ প্ৰৱেশ অত্যন্ত বিশেষ হ’ব৷ আপোনাৰ কটোৰ পৰিশ্ৰমৰ ফল আপুনি লাভ কৰিব৷ সাফল্য আৰু স্বীকৃতি পাব পাৰে যাৰ বাবে আপুনি ইমানদিনে অপেক্ষা কৰিছিল৷ কৰ্মক্ষেত্ৰত আপোনাৰ ঊৰ্ধ্বতন কৰ্মকৰ্তাসকলে আপোনাৰ কামৰ প্ৰশংসা কৰিব৷ যিয়ে আপোনাৰ মূল্যায়ন বা পৰ্যালোচনাৰ পথ প্ৰশস্ত কৰিব৷ ব্যৱসায়ীয়ে ডাঙৰ চুক্তি কৰিব পাৰে৷ যাৰ ফলত অৰ্থৰ প্ৰবাহ বাঢ়িব৷ আৰ্থিকভাৱে আপুনি আৰু স্থিতিশীল বোধ কৰিব৷ পৰিয়ালত সুখ আৰু শান্তিৰ পৰিবেশে বিৰাজ কৰিব৷ ৰাহুৰ অশুভ প্ৰভাৱ দূৰ কৰিবলৈ আপোনাৰ কুণ্ডলীত ৰাহুৰ অৱস্থান বেয়া থাকিলে এইসমূহ প্ৰতিকাৰ কৰিব পাৰে৷
মহাদেৱৰ শৰণ লওকঃ ৰাহুৰ অশুভ প্রভাৱ দূৰ কৰিবলৈ নিয়মিত ভগৱান শিৱ আৰু কাল ভৈৰৱৰ পূজা কৰক৷ প্ৰতিদিনে শিৱলিংগত পানী অৰ্পণ কৰা অত্যন্ত শুভ বুলি ধাৰণা কৰা হয়৷
দানঃ ভগৱান ৰাহুক প্ৰসন্ন কৰিবলৈ কোনো অভাৱী ব্যক্তিক কলা তিল, সৰিয়হৰ তেল বা কলাবস্ত্ৰ দান কৰক৷
পশুসেৱাঃ প্ৰতিদিনে কলা কুকুৰত ৰুটি খুৱাওক৷ চৰাইক খাদ্য খোৱাওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
