কিশোৰ-কিশোৰীৰ মাজত যৌ**ন সম্পৰ্ক এতিয়া আৰু ধ**ৰ্ষণ নহয়! নেপালৰ জেন-জি প্ৰধানমন্ত্ৰীয়ে Gen-Zৰ বাবে অনা ৰোমিঅ’-জুলিয়েট আইনত কি কি আছে?

ৰাষ্ট্ৰপুঞ্জৰ শিশু অধিকাৰ কমিটিৰ আন্তৰ্জাতিক নিৰ্দেশিকা অনুসৰি এই সুৰক্ষা কেৱল তেতিয়াই প্ৰযোজ্য হ’ব যেতিয়া উভয় ব্যক্তিয়েই কিশোৰ-কিশোৰী হ’ব৷ এই আন্তৰ্জাতিক নিয়মৰ মূল উদ্দেশ্য হৈছে সুৰক্ষা যেন কোনোধৰণেই শোষণৰ হাঁথিয়াৰ হৈ নুঠে৷ প্ৰাপ্তবয়স্কৰ ক্ষেত্ৰত ইয়াক বিধিবদ্ধ ধৰ্ষণ বা নাবালক নিপীড়ন হিচাপেই গণ্য কৰা হ’ব৷ কাৰণ এজন প্ৰাপ্তবয়স্ক মানুহৰ মানসিক স্থিতি আৰু সামাজিক অৱস্থান এজন নাবালক বা নাবালিকাতকৈ অনেকগুণ শক্তিশালী৷ যিয়ে ক্ষমতাৰ ভাৰসাম্য নষ্ট কৰে৷

সহজ কথাত ক’বলৈ হ’লে ৰাষ্ট্ৰপুঞ্জৰ এই নিৰ্দেশিকাৰ মূল বক্তব্যটো হৈছে কিশোৰ কিশোৰীৰ পাৰস্পৰিক সন্মতিক জামিনদাৰ কৰিব পাৰে৷ কিন্তু প্ৰাপ্তবয়স্ক আৰু কিশোৰ বা কিশোৰীৰ ক্ষেত্ৰত সন্মতিৰ কোনো আইনী বৈধতা নাথাকে৷ নেপাল চৰকাৰে আন্তৰ্জাতিক এই মানদণ্ড বজায় ৰাখি তেওঁলোকৰ নতুন আইনৰ খচৰা তৈয়াৰ কৰিছে বুলি জানিব পৰা গৈছে৷ কোনো প্ৰাপ্তবয়স্ক ব্যক্তিয়ে যদি কোনো নাবালক বা নাবালিকাৰ সৈতে সম্পৰ্কত সোমাই পৰে তেতিয়া পূৰ্বৰ দৰেই কঠোৰ শাস্তিমূলক অপৰাধ হিচাপে ইয়াক গণ্য কৰা হ’ব৷ তাত সন্মতিৰ অজুহাত কামত নিদিব৷ সমবয়সীয়া কিশোৰ-কিশোৰীৰ মাজত যদি সন্মতি নাথাকে আৰু শাৰীৰিক সম্পৰ্ক জোৰকৈ কৰা হয় তেতিয়াও পূৰ্বৰ দৰেই শাস্তিৰ সন্মুখীন হ’ব৷