২০২৬ৰ আইপিএলৰ যুঁজ শেষ হ’ল ৰোমাঞ্চকৰ ফাইনেলেৰে৷ গুজৰাট টাইটান্সক হৰুৱাই দ্বিতীয়বাৰ IPLৰ ট্ৰফি জয় কৰিলে ৰয়েল চেলেঞ্জাৰ্ছ বাংগালুৰুৱে৷ এই জয়ৰ পাছত বাংগালুৰুত উৎসৱ আৰম্ভ হয়৷ এই জয়ৰ সৈতে তেওঁলোকে মুম্বাই ইণ্ডিয়ান্স আৰু চেন্নাই ছুপাৰ কিংছ, IPL দলৰ ইতিহাসত তৃতীয় দল হিচাপে দুবাৰ চেম্পিয়ন হোৱাৰ কৃতিত্বও অৰ্জন কৰে৷ চেম্পিয়ন হৈ RCBয়ে পায় ২০ কোটি টকা আৰু ৰানাৰ্ছ আপ গুজৰাট টাইটান্সেও পাইছে মোটা অংকৰ ধন৷
চেম্পিয়ন RCBয়ে পাইছে ২০ কোটি, মুঠ পুৰস্কাৰ ৪৬.৫কোটি
ভাৰতীয় ক্ৰিকেট বৰ্ডে ২০২৬ চনৰ আই পিএলৰ বাবে মুঠ ৪৬.৫ কোটি টকাৰ পুৰস্কাৰ ঘোষণা কৰিছিল৷ এই টকা শীৰ্ষ চাৰি দলৰ মাজত তেওঁলোকৰ অৱস্থান অনুসৰি ভাগ কৰা হয়৷ ইয়াৰোপৰি ব্যক্তিগত পাৰফৰমেন্সৰ বাবেও পৃথক পুৰস্কাৰ দিয়া হয়৷ চেম্পিয়ন RCBয়ে পায় ২০ কোটি টকা৷ ফাইনেলত হাৰি ৰানাৰ্ছ হয় গুজৰাট টাইটান্স৷ তেওঁলোকে পায় ১৩ কোটি টকা৷ তৃতীয় স্থানত থকা ৰাজস্থান ৰয়েলছে পায় ৭ কোটি টকা আৰু চতুৰ্থ ছানৰাইজাৰ্ছ হায়দৰাবাদে পায় ৬.৫কোটি টকা৷
বৈভৱ সূৰ্যবংশীৰ ব্যক্তিগত পুৰস্কাৰ
এইবাৰৰ আই পি এলত আলোচনাত থকা ক্ৰিকেটাৰেই হৈছে বৈভৱ সূৰ্যবংশী৷ বৈভৱে ৭৭৬ৰান কৰি অৰেঞ্জ কেপ জয় কৰিছে৷ ৭২টা ছিক্স মৰাৰ ওপৰিও বিশেষ ছিক্স কোবোৱাৰ বাবে পুৰস্কাৰ পাইছে বৈভৱে৷ উদীয়মান খেলুৱৈ আৰু ভাল খেলুৱৈৰ পুৰস্কাৰো জয় কৰিছে তেওঁ৷ কাগিছো ৰাবাডাই ২৯টা উইকেট লৈ পাৰ্পল কেপ জিকিছে৷ ফাইনেল মেচৰ বিশেষ পুৰস্কাৰ পাইছে বিৰাট কোহলিয়ে৷ তেওঁ ৭৫ ৰানৰ অপৰাজিত ইনিংছ খেলিছে৷
ফাইনেলৰ অন্যান্য পুৰস্কাৰ
ফাইনেলত সকলোতকৈ বেছি ছিক্স কোবোৱাৰ পুৰস্কাৰ পাইছে বিৰাট কোহলিয়ে৷ ডট বলৰ পুৰস্কাৰ পাইছে ভুৱনেশ্বৰ কুমাৰে৷ ফাইনেত ভাল ষ্ট্ৰাইক ৰেটৰ পুৰস্কাৰ পাইছে ভেঙ্কটেশ আয়াৰে৷ গুজৰাটৰ বিৰুদ্ধে ফাইনেল মেচত তেওঁৰ ষ্ট্ৰাইক ৰেট আছিল ২০০.০০৷ ভাল ষ্ট্ৰাইক ৰেটৰ পুৰস্কাৰ ওঠে বৈভৱৰ হাতত৷ তেওঁৰ ষ্ট্ৰাইক ৰেট আছিল ২৩৭.৩০৷ ফেয়াৰ প্লে এৱাৰ্ড পায় পঞ্জাৱ কিংছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
