জ্যোতিষশাস্ত্ৰত শুক্ৰদেৱক প্ৰেম, সুখ-সমৃদ্ধি, সৌন্দৰ্য আৰু ধনৰ কাৰক গ্ৰহ বুলি গণ্য কৰা হয়। ৪ জুলাই, ২০২৬ তাৰিখে শুক্ৰদেৱ কৰ্কট ৰাশি এৰি সিংহ ৰাশিত প্ৰৱেশ কৰিব। সিংহ ৰাশি সূৰ্যদেৱৰ অধীনস্থ অগ্নি তত্ত্বৰ ৰাশি। এনে পৰিস্থিতিত কোমল স্বভাৱৰ শুক্ৰ সূৰ্যৰ গৃহত অৱস্থান কৰাৰ ফলত বহু ৰাশিৰ জীৱনত বিশেষ প্ৰভাৱ পৰিব। এই গোচৰ কিছুমানৰ বাবে শুভ হ’লেও কন্যা, মকৰ, মীন, কৰ্কট আৰু বৃষ ৰাশিৰ লোকসকলে বিশেষ সাৱধানতা অৱলম্বন কৰা উচিত। সামান্য অসাৱধানতাই সমস্যাৰ সৃষ্টি কৰিব পাৰে।
কন্যা ৰাশি
শুক্ৰ দেৱ আপোনাৰ দ্বাদশ ভাবত থাকিব। এই ভাব ব্যয় আৰু বিদেশ যাত্ৰাৰ সৈতে জড়িত। যাত্ৰা, ঘৰ-সংসাৰৰ কাম বা আন প্ৰয়োজনত ব্যয় বৃদ্ধি পাব পাৰে। মনত অস্থিৰতা আৰু উদ্বেগ বৃদ্ধি হোৱাৰ সম্ভাৱনা আছে। অপ্রয়োজনীয় খৰচ সম্পূৰ্ণৰূপে নিয়ন্ত্ৰণ কৰক। বিলাসী বা দেখুৱাবলৈ কৰা খৰচৰ পৰা বিৰত থাকক। মানসিক শান্তিৰ বাবে যোগ বা ধ্যানৰ অভ্যাস কৰক।
প্ৰতিকাৰ:
শুকুৰবাৰে মা লক্ষ্মীৰ পূজা কৰক আৰু ধন ব্যয়ত সংযম ৰাখক।
মকৰ ৰাশি
শুক্ৰদেৱ আপোনাৰ অষ্টম ভাবত প্ৰৱেশ কৰিব। ধনৰ লেনদেনত বিশেষ সাৱধান হওক। ডাঙৰ বিনিয়োগ বা কাকো ঋণ দিয়াৰ পৰা এই সময়ত বিৰত থাকক। সম্পৰ্কত ভুল বুজাবুজি এৰাবলৈ স্পষ্টভাৱে কথা কওক। খেলিমেলিযুক্ত বিনিয়োগ এৰাই চলক। আৰ্থিক বিবাদৰ পৰা আঁতৰি থাকক। গুপ্ত বা অপ্রত্যাশিত খৰচ হঠাতে বৃদ্ধি পাব পাৰে। প্ৰয়োজনীয় নথি-পত্ৰ সযতনে সংৰক্ষণ কৰক।
প্ৰতিকাৰ:
সম্পূৰ্ণ তথ্য নোপোৱাকৈ কোনো ডাঙৰ আৰ্থিক সিদ্ধান্ত নলওক।
মীন ৰাশি
শুক্ৰদেৱ আপোনাৰ ষষ্ঠ ভাবত গোচৰ কৰিব।কৰ্মক্ষেত্ৰত কামৰ চাপ বৃদ্ধি পাব পাৰে। সহকৰ্মীৰ সৈতে সৰু-ডাঙৰ মতানৈক্য হোৱাৰ আশংকা আছে। বাক্-সংযম বজাই ৰাখক। স্বাস্থ্যৰ ক্ষেত্ৰত কোনো ধৰণৰ অৱহেলা নকৰিব। কৰ্মৰ চাপ কমাবলৈ কামসমূহ ধাপে ধাপে সম্পূৰ্ণ কৰক। বাহিৰৰ খাদ্য কমকৈ খাওক আৰু স্বাস্থ্যকৰ আহাৰত গুৰুত্ব দিয়ক।
প্ৰতিকাৰ:
নিয়মীয়া জীৱনশৈলী অনুসৰণ কৰক আৰু পুষ্টিকৰ খাদ্য গ্ৰহণ কৰক।
কৰ্কট ৰাশি
শুক্ৰদেৱ আপোনাৰ দ্বিতীয় ভাবত অৱস্থান কৰিব। দেখুৱাবলৈ বা বিলাসিতাত ব্যয় বৃদ্ধি পাব পাৰে। পৰিয়ালৰ সদস্যসকলৰ সৈতে মধুৰ ভাষাত কথা কওক। বাজেট অনুসৰি খৰচ কৰাটো এই সময়ত অতি প্ৰয়োজনীয়। আয়-ব্যয়ৰ সঠিক হিচাপ ৰাখক। সৰু-সুৰা পাৰিবাৰিক মতানৈক্য ভালপোৱাৰে সমাধান কৰক। অপ্ৰয়োজনীয় বিলাসিতাত ধন ব্যয় নকৰিব।
প্ৰতিকাৰ:
মাহেকীয়া বাজেট প্ৰস্তুত কৰি সেই অনুসৰি খৰচ কৰাৰ চেষ্টা কৰক।
বৃষ ৰাশি
শুক্ৰদেৱ আপোনাৰ চতুৰ্থ ভাবত গোচৰ কৰিব। ঘৰুৱা দায়িত্ব বৃদ্ধি পাব পাৰে। মাটি-ঘৰ বা সম্পত্তি সম্পৰ্কীয় সিদ্ধান্তত খৰখেদা নকৰিব। আপোনজনৰ পৰা অত্যধিক আশা নাৰাখিব। সৰু কথাক ডাঙৰ সমস্যালৈ ৰূপান্তৰ নকৰিব। সম্পত্তি সম্পৰ্কীয় কামত কিছু পলম হ’ব পাৰে, সেয়েহে ধৈৰ্য ধৰি আগবাঢ়ক। আৱেগত ভাহি গৈ কোনো গুৰুত্বপূৰ্ণ সিদ্ধান্ত নলওক। ঘৰুৱা ব্যয় বৃদ্ধি পোৱাৰ আশংকা আছে, গতিকে কেৱল প্ৰয়োজনীয় খৰচত গুৰুত্ব দিয়ক।
প্ৰতিকাৰ:
ঘৰত শান্তি আৰু সৌহাৰ্দ্যৰ পৰিবেশ বজাই ৰাখক আৰু অপ্রয়োজনীয় তৰ্ক-বিতৰ্কৰ পৰা আঁতৰি থাকক।
গুৰুত্বপূৰ্ণঃ
জ্যোতিষীয় গণনা বিশ্বাস আৰু পৰম্পৰাগত ধাৰণাৰ ওপৰত ভিত্তি কৰি কৰা হয়। এই তথ্যসমূহক নিশ্চিত ভৱিষ্যদ্বাণী হিচাপে নহয়, সাধাৰণ জ্যোতিষীয় ব্যাখ্যা হিচাপেহে গ্ৰহণ কৰা উচিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
