ইৰাকৰ ৰাজনীতিত বিশ্বজুৰি চাঞ্চল্য সৃষ্টি কৰা এক ঘটনা পোহৰলৈ আহিছে। সামাজিক মাধ্যমত বিয়পি পৰা এই ভাইৰেল খবৰে দেশখনৰ লগতে আন্তঃৰাষ্ট্ৰীয় স্তৰতো তীব্ৰ চাঞ্চল্যৰ সৃষ্টি কৰিছে। ভাইৰেল খবৰটোত দাবী কৰা হৈছে যে দেশখনৰ এগৰাকী মহিলা সাংসদৰ ঘৰত দুৰ্নীতি-বিৰোধী অভিযানৰ সময়ত বিপুল পৰিমাণৰ নগদ ধন, সোণৰ লগতে কিছু অস্বাভাৱিক সামগ্ৰী জব্দ কৰা হৈছে। খবৰ অনুসৰি, ইৰাক চৰকাৰে চলোৱা ব্যাপক দুৰ্নীতি-বিৰোধী অভিযানৰ অংশ হিচাপে বহু ৰাজনীতিক আৰু উচ্চপদস্থ চৰকাৰী বিষয়াক লক্ষ্য কৰি একাধিক স্থানত একেলগে অভিযান চলোৱা হয়। এই অভিযানকালত কিছু ৰাজনৈতিক নেতা আৰু উচ্চপদস্থ বিষয়াৰ গৃহত বৃহৎ পৰিমাণৰ নগদ ধন আৰু সোণ জব্দৰ খবৰ প্ৰকাশ পাইছে। তদন্তকাৰী বিষয়াই অভিযানকালত ৫৭ মিলিয়ন আমেৰিকান ডলাৰ (প্ৰায় ৪৯০ কোটি টকা)ৰ লগতে প্ৰায় ২৭ কেজি ওজনৰ সোণ, বহু বিলাসী সামগ্ৰী আৰু কিছু অস্বাভাৱিক সামগ্ৰী জব্দ কৰিছে
মহিলা সাংসদৰ গৃহত উদ্ধাৰ সোণৰ অ*ন্তৰ্বাস
অভিযানকাৰী দলে জব্দ কৰা সামগ্ৰীসমূহৰ ভিতৰত এটা বিশেষ সামগ্ৰীয়ে সম্প্ৰতি বিশ্বজুৰি আলোড়নৰ সৃষ্টি কৰিছে। দেশখনৰ এগৰাকী মহিলা সাংসদৰ গৃহৰ পৰা তদন্তকাৰী দলটোৱে এটা সোণৰ অন্তৰ্বাস জব্দ কৰাৰ দাবী কৰিছে সামাজিক মাধ্যমত ভাইৰেল কৰা প্ৰতিষ্ঠানসমূহে। অৱশ্যে এতিয়াও প্ৰতিষ্ঠিত আন্তঃৰাষ্ট্ৰীয় সংবাদমাধ্যমসূহে এই খবৰৰ সত্যতা নিৰূপণ কৰিব পৰা নাই। আনফালে, ইৰাক চৰকাৰে বিগত কেইবাবছৰৰ পৰা দুৰ্নীতিৰ বিৰুদ্ধে কঠোৰ স্থিতি গ্ৰহণ কৰি আহিছে। দেশখনৰ ৰাজনৈতিক ব্যৱস্থাত দীঘলীয়া সময় ধৰি চলি থকা দুৰ্নীতি আৰু ক্ষমতাৰ অপব্যৱহাৰৰ অভিযোগ বহুদিনৰ পৰা উত্থাপিত হৈ আহিছে।
সেই পৰিপ্ৰেক্ষিতত চলি থকা বৰ্তমানৰ অভিযানক চৰকাৰে ‘নতুন আৰম্ভণি’ আৰু ‘স্বচ্ছতাৰ দিশে পদক্ষেপ’ বুলি অভিহিত কৰিছে। অভিযানৰ সময়ত কেইবাজনো সন্দেহজনক ব্যক্তিক গ্ৰেপ্তাৰ কৰা হৈছে বুলি বিভিন্ন সংবাদসূত্ৰত প্ৰকাশ পাইছে। লগতে বিভিন্ন স্থানৰ পৰা বৃহৎ পৰিমাণৰ সম্পত্তি জব্দ কৰা হৈছে বুলি দাবী কৰা হৈছে। অৱশ্যে ইৰাকৰ চৰকাৰী সূত্ৰত এই খবৰৰ কোনো ধৰণৰ নিশ্চিতি বা স্পষ্টীকৰণ দিয়া নাই। ইৰাকৰ বাগদাদস্থিত গ্ৰীন জ’ন অঞ্চলস্থিত জনৈক নাছিফ নামৰ মহিলা সাংসদগৰাকীৰ বাসভৱনৰ কৰা এই অন্ত*ৰ্বাসৰ মূল্য প্ৰায় ৪ৰ পৰা ৫ কোটিৰ ভিতৰত হ’ব বুলি অনুমান কৰা হৈছে। ইতিমধ্যে দুৰ্নীতিগ্ৰস্ত সাংসদগৰাকীৰ লগতে তেওঁৰ পুত্ৰকো দুৰ্নীতিৰ অভিযোগত গ্ৰেপ্তাৰ কৰা হৈছে। ইৰাকৰ কাউণ্টাৰ টেৰ*ৰিজিম ছাৰ্ভিচে চলাইছিল এই অভিযান। ইৰাকৰ এই সংস্থাটোৱে ইতিমধ্যে দেশখনৰ বহু নেতা, উচ্চপদস্থ বিষয়াৰ পৰা প্ৰায় ৭ লাখ কোটি টকাতকৈও অধিক মূল্যৰ সম্পত্তি জব্দ কৰিছে বুলি সদৰী কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
