নোৰা ফাতেহীয়ে ২০২৬ চনৰ FIFA World Cupৰ উদ্বোধনী অনুষ্ঠানত পৰিধান কৰা বিশেষ ৰঙা ড্ৰেছযোৰ অনুষ্ঠানটোৰ অন্যতম চৰ্চিত ফেশ্বন লুক হিচাপে পৰিগণিত হৈছে। তেওঁৰ নৃত্য প্ৰদৰ্শনৰ লগতে এই অভিনৱ পোছাকযোৰেও বিশ্বজুৰি ফেশ্বনপ্ৰেমীসকলৰ বিশেষ দৃষ্টি আকৰ্ষণ কৰিছে। ডিজাইনটোৰ প্ৰতিটো অংশৰ আঁৰত এক সৃজনশীল ধাৰণা আৰু আধুনিক ফেশ্বন-দৰ্শন লুকাই আছিল। এই অনন্য সাজযোৰ ডিজাইন কৰিছিল ফেশ্বন ডিজাইনাৰ তথা Balavৰ প্ৰতিষ্ঠাপক আৰু ক্ৰিয়েটিভ ডাইৰেক্টৰ বৈষ্ণৱী বালাই। বৈষ্ণৱী বালাই জনোৱা অনুসৰি, FIFA World Cupৰ দৰে বিশ্বমঞ্চৰ বাবে পোছাক ডিজাইন কৰাটো তেওঁৰ দীৰ্ঘদিনীয়া সপোন আছিল। নোৰা ফাতেহীৰ বাবে এই আউটফিট প্ৰস্তুত কৰিবলৈ তেওঁ আৰু তেওঁৰ টীমে কেইবাদিনো ধৰি পৰীক্ষা-নিৰীক্ষা চলাইছিল। এই বিশেষ ড্ৰেছযোৰ তৈয়াৰ কৰিবলৈ তেওঁ ৫টা টি-শ্বাৰ্ট, এটা জেকেট আৰু এটা পেণ্ট খুলি পুনৰ নতুনকৈ জোৰা লগাই সম্পূৰ্ণ নতুন ৰূপ দিছিল। বৈষ্ণৱীয়ে লগতে কয়, ‘কম সময়ৰ ভিতৰত একেবাৰে নতুন পোছাক বনোৱাটো কঠিন, কিন্তু এযোৰ সাজ খুলি পুনৰ নতুন ৰূপত তৈয়াৰ কৰাতো আছে মাদকতা। নোৰাই পৰিধান কৰা স্কাৰ্টটো মই দুদিন ধৰি নিজ হাতে চিলাই কৰিছিলোঁ। ইয়াৰ উপৰি এটা বিশেষ জীপাৰৰ ব্যৱহাৰ কৰি নোৰাই পৰিধান কৰা জেকেটটোৰ ৰূপ সম্পূৰ্ণ সলনি কৰি পেলাইছিলো।’
বিশেষ পোছাকযোৰৰ থীম কি আছিল?
উল্লেখ্য যে বিশ্বকাপৰ অনুষ্ঠানত নোৰা ফাতেহীয়ে পৰিধান কৰা ড্ৰেছযোৰত streetwear, bohemian fashion আৰু performance costumeৰ সংমিশ্ৰণ দেখা যায়। নোৰাই পৰিধান কৰা পোছাকযোৰৰ মূল থীম আছিল “Deconstruction and Reconstruction। নোৰা ফাতেহীয়ে পৰিধান কৰা ড্ৰেছযোৰৰ জৰিয়তে বিশ্বকাপৰ মঞ্চত শক্তি, গতি, আত্মবিশ্বাস আৰু বিশ্বজনীন সাংস্কৃতিক সংযোগ প্ৰকাশ কৰাটোৱেই আছিল ডিজাইনৰ বৈষ্ণৱী বালাৰ মুখ্য উদ্দেশ্য।
ড্ৰেছটোৰ দাম কিমান?
নোৰা ফাতেহীয়ে পৰিৱেশন কৰা বিশ্বকাপ উদ্বোধনী অনুষ্ঠানৰ বিশেষ ড্ৰেছবিধ কেৱল এক গ্লেমাৰাছ পোছাকেই নাছিল। ইয়াত আধুনিক ফেশ্বন, পুনঃব্যৱহাৰযোগ্য ডিজাইন, শিল্পসুলভ সৃষ্টিশীলতা আৰু বিশ্বমঞ্চত ভাৰতীয় ডিজাইনাৰৰ প্ৰতিভাৰ এক অনন্য সংমিশ্ৰণ দেখা গৈছিল। সেইবাবেই পোছাকযোৰে আন্তঃৰাষ্ট্ৰীয় ফেশ্বন মাধ্যম, সংবাদ মাধ্যম আৰু সামাজিক মাধ্যমত ব্যাপকভাৱে চৰ্চিত হৈছিল। ড্ৰেছযোৰৰ সঠিক মূল্য এতিয়ালৈকে আনুষ্ঠানিকভাৱে প্ৰকাশ কৰা হোৱা নাই। নোৰা ফাতেহী, ডিজাইনাৰ বৈষ্ণৱী বালায়ো ইয়াৰ দাম প্ৰকাশ কৰা নাই। অৱশ্যে ছ’চিয়েল মিডিয়া আৰু কিছুমান ব্লগত ড্ৰেছযোৰৰ দাম ১০ লাখৰ পৰা ৩০ লাখ টকাৰ ভিতৰত অনুমান কৰা হৈছে, কিন্তু ধাৰণাৰ কোনো বিশ্বাসযোগ্য বা আনুষ্ঠানিক ভিত্তি নাই। নোৰা ফাতেহীয়ে পৰিৱেশন কৰা ‘Siir Siir’ শীৰ্ষক গানটো FIFA 2026 বিশ্বকাপৰ অফিচিয়েল মিউজিক প্ৰজেক্টৰ ১৮টা গীতৰ সংকলনৰ এটা গীত। এই গীতটোত ভাৰতীয়, কানাডা আৰু মৰক্কো সংগীতৰ এক সুন্দৰ সমন্বয় দেখা যায়। ফ্ৰান্সৰ গায়ক Vegedream আৰু সংগীত প্ৰযোজক Sanjoyৰ সৈতে মিলি নোৰা ফতেহীয়ে এই গীতটোত বিশ্বকাপৰ উদ্বোধনী অনুষ্ঠানত নৃত্য পৰিৱেশন কৰিছিল। ৮ জুনত মুক্তি পোৱা এই গীতটো বিশ্বজুৰি ইতিমধ্যে ৫.৮ কোটিতকৈ অধিক লোকে চাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
