উত্তৰাখণ্ডৰ হালদ্বাণীৰ বাসিন্দা ৰেণু ধৰিৱালে ভাৰতৰ বাবে গৌৰৱ কঢ়িয়াই আনিছে প্ৰতিষ্ঠিত গিনিজ বুক অব ৱৰ্ল্ড ৰেকৰ্ডত নিজৰ নাম পঞ্জীয়ন কৰি। উত্তৰাখণ্ডৰ এই যুৱতীগৰাকীয়ে বিশ্বৰ আটাইতকৈ দীঘল চুলিৰে গঢ়িছে অনবদ্য ৰেকৰ্ড। যুৱতীগৰাকীৰ চুলিখিনি ২৭১.৫০ চেণ্টিমিটাৰ অৰ্থাৎ ৮ ফুট ১০ দীঘল। নিজৰ চুলিৰ এই দৈৰ্ঘৰে গিনিজ বুক অব ৱৰ্ল্ড ৰেকৰ্ডত নিজৰ নাম সন্নিৱিষ্ট কৰিবলৈ সক্ষম হৈছে ৰেণু ধৰিৱালে।
এই কৃতিত্বৰে ৰেণুৱে কেৱল আশে-পাশে থকা অঞ্চলতে নিজৰ নাম উজলাই তোলাই নহয়, এতিয়া তেওঁ ছচিয়েল মিডিয়াতো দেশৰ বিভিন্ন প্ৰান্তৰ উপৰিও বিদেশৰ পৰা বহু সমাদৰ লাভ কৰিছে। আনহাতে বহু লোকে উত্তৰাখণ্ডৰ যুৱতীগৰাকীক ৰেপাঞ্জেলৰ সৈতে তুলনা কৰিছে। ৰেণু ধাৰীৱালে দেশলৈ গৌৰৱ কঢ়িয়াই অনাই নহয় ইণ্টাৰনেটতো চৰ্চাৰ বিষয় হৈ পৰিছে। এনে বহু ভিডিঅ’ ছ’চিয়েল মিডিয়াত ভাইৰেল হৈ পৰিছে য’ত ৰেণুৱে নিজৰ দীঘল ডাঠ ক’লা চুলিখিনি গ্ৰুমিং আৰু বান্ধি থকা দেখা গৈছে।
যিকোনো এগৰাকী ব্যক্তিৰ গড় চুলিৰ দৈৰ্ঘ্য ২ৰ পৰা ৩ ফুট। এই দৈৰ্ঘ্য লাভ কৰিবলৈ এজন ব্যক্তিয়ে প্ৰায় ৪ৰ পৰা ৬ বছৰলৈকে চুলিৰ বিশেষ যত্ন ল’ব লাগে। প্ৰতি বছৰে চুলি প্ৰায় ৬ ইঞ্চি দীঘল হয়, অৰ্থাৎ ২ বছৰত ১ ফুট চুলি গজে। এই দৃষ্টিকোণৰ পৰা ৰেণুৰ কঠোৰ পৰিশ্ৰম স্পষ্ট, যাৰ ফলত তেওঁ ইমান ডাঙৰ সফলতা লাভ কৰিবলৈ সক্ষম হৈছিল। গিনিজ বুক অব ৱৰ্ল্ড ৰেকৰ্ডছে নিজৰ ছ’চিয়েল মিডিয়া প্লেটফৰ্মত প্ৰকাশ কৰিছে যে ৰেণুৰ চুলিৰ দৈৰ্ঘ্য বিশ্বৰ আটাইতকৈ ওখ মানুহ ৰবাৰ্ট ৱাডল’তকৈ মাত্ৰ কেই ইঞ্চিমান চুটি। এপ্ৰিল মাহত ৰেণুৰ চুলি জোখা হৈছিল, যিয়ে পূৰ্বৰ খিতাপ দখল কৰা ইউক্ৰেইনৰ আলিয়া নাছিৰোভাক অতিক্ৰম কৰিছিল। আলিয়াৰ চুলিৰ দৈৰ্ঘ্য আছিল ৮ ফুট ৫.৩ ইঞ্চি। ৰেণুৱে দীঘল চুলিটাৰি কেনেকৈ কেয়াৰ লয় সেই বিষয়ে ছ’চিয়েল মিডিয়াতো কেতিয়াও শ্বেয়াৰ কৰা নাই। তেওঁ কেৱল কয় যে ২০১৫ চনৰ পৰাই ৰেণুৱে চুলিৰ বিশেষ যত্ন ল’বলৈ আৰম্ভ কৰিছিল। চুলিখিনি ধুই ডিটেংগল কৰিবলৈ ৰেণুৰ লাগে কেইবা ঘণ্টা সময়। দীঘল হোৱাৰ লগতে ৰেণুৰ চুলিবোৰ ডাঠ, ঘন আৰু চিকচিকিয়া ৷ চুলিৰ স্বাস্থ্যৰ ৰহস্য উদঙাই দি ৰেণুৱে বুজাই দিলে যে তেওঁ প্ৰাকৃতিক চুলিৰ যত্ন লয় আৰু ৰাসায়নিক দ্ৰব্য পৰিহাৰ কৰে। ৰেণুৱে ঘৰতে চেম্পু আৰু তেল প্ৰস্তুত কৰে।
ছ’চিয়েল মিডিয়াৰ প্ৰভাৱশালী ৰেণু ইউটিউব আৰু ইনষ্টাগ্ৰামত চুলি বৃদ্ধিৰ টিপছ শ্বেয়াৰ কৰা দেখা গৈছে। চুলিক মানুহৰ মুখ্য আকৰ্ষণ বুলি বৰ্ণনা কৰি সঠিক যত্নৰ পৰামৰ্শ দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
