বাওঁহাতীয়া বেটছমেন দেৱদত্ত পাডিক্কালে গালেত শ্ৰীলংকাৰ বিৰুদ্ধে প্ৰথমখন টেষ্টত শতক অৰ্জন কৰে। ছাই সুদৰ্শনৰ আঘাতৰ পিছত তিনি নম্বৰ স্থানত খেলিবলৈ সুযোগ পোৱা পাডিক্কালে সুযোগৰ সদ্ব্যৱহাৰ কৰি শতকীয় ইনিংছটোৰে তিনিটা উল্লেখযোগ্য আৰু ঐতিহাসিক কৃতিত্ব অৰ্জন কৰে।
২১ শতিকাত ৩নং স্থানত বাওহতীয়া বেটাৰৰ দ্বিতীয়টো শতক
২০০১ চনৰ পৰা তিনি নম্বৰ স্থানত বেটিং কৰি ভাৰতৰ হৈ টেষ্ট ক্ৰিকেটত শতক অৰ্জন কৰা দ্বিতীয়জন বাওঁহতীয়া বেটছমেন হিচাপে পৰিগণিত হৈছে দেৱদত্ত পাডিক্কাল। প্ৰাক্তন কিংবদন্তি অধিনায়ক সৌৰভ গাংগুলীয়ে ইয়াৰ পূৰ্বে ২০০২ চনত জিম্বাবুৱেৰ বিৰুদ্ধে দিল্লী টেষ্টত ১৩৬ ৰান সংগ্ৰহ কৰি এই কৃতিত্ব অৰ্জন কৰিছিল।
৩ নম্বৰত শতক অৰ্জন কৰা অভিজাত খেলুৱৈৰ তালিকাত অন্তৰ্ভুক্ত
ভাৰতীয় টেষ্ট ইতিহাসত তিনি নম্বৰ স্থানত বেটিং কৰি শতক অৰ্জন কৰা অষ্টমজন বাওঁহাতীয়া বেটছমেন হিচাপে পৰিগণিত হৈছে পাডিক্কাল। এই অভিজাত তালিকাত বিনোদ কাম্বলী, সৌৰভ গাংগুলী , চেলিম দুৰানী, বাপু নাডকাৰ্ণী, অজিত ৱাডেকাৰ, একনাথ ছোলকাৰ আৰু সুৰিন্দৰ অমৰনাথৰ দৰে কিংবদন্তি তাৰকা আছে। এতিয়া পাডিক্কালেও এই তালিকাত নিজৰ নাম সন্নিৱিষ্ট কৰিবলৈ সক্ষম হৈছে।
১৯খন টেষ্ট মেচৰ অন্তত ৩ নং স্থানৰ পৰা আহিল শতক
তিনি নম্বৰ স্থানত ভাৰতৰ হৈ শেষৰটো টেষ্ট শতক আহিছিল ২০২৪ চনৰ ছেপ্টেম্বৰ মাহত বাংলাদেশৰ বিৰুদ্ধে চেন্নাই টেষ্টত শুভমন গিলৰ বেটৰ পৰা। সেই মেচখনৰ পিছৰ পৰা ভাৰতে ১৯খন টেষ্টত ৩৫ ইনিংছত তিনি নম্বৰ স্থানত সাতজন ভিন্ন বেটছমেনক সুযোগ দিছে, যিয়ে গড়ে ২৭.২৮ ৰান কৰি মাত্ৰ পাঁচবাৰকৈ ৫০ বা ততোধিক ৰান সংগ্ৰহ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
