মনোৰঞ্জন জগতৰ পৰা পুনৰ আহিছে বেয়া খবৰ। এসময়ত নিজৰ সংগীতেৰে অনুৰাগীৰ হৃদয় জয় কৰি নিজৰ নাম প্ৰতিষ্ঠা কৰা এজন প্ৰবীণ শিল্পীৰ ভয়ংকৰ মৃত্যু। অকলশৰীয়া আৰু বেদনাদায়ক জীৱনৰ এনেকৈ অন্ত পৰিব বুলি কোনেও কল্পনা কৰিব পৰা নাছিল।
শেহতীয়াকৈ এগৰাকী প্ৰবীণ তথা প্ৰখ্যাত কণ্ঠশিল্পীৰ মৃত্যুত মনোৰঞ্জন জগতখনৰ ওপৰত শোকৰ ছাঁ পৰিছে। পাঁচ দিন ধৰি ভাড়াঘৰত মৃতদেহ পচি গৈছিল। ঘৰৰ বাহিৰত দুৰ্গন্ধ বিয়পি পৰাত চুবুৰীয়াই আৰক্ষীক খবৰ দিয়ে আৰু প্ৰৱেশৰ বাবে তলা ভাঙি যায়। সেই অৱস্থাত গায়কজনক দেখি সকলোৱে আচৰিত হৈ পৰে।
দিল্লীৰ গোবিন্দপুৰী এক্সটেনচন এলেকাৰ এটা সৰু ভাড়াঘৰত এক অকলশৰীয়া জীৱন যাপন কৰি আছিল প্ৰবীণ তথা প্ৰখ্যাত সংগীতজ্ঞ ৰবি দে। যোৱা কেইদিনমানৰ পৰা তেওঁৰ ঘৰৰ দুৱাৰ বন্ধ আছিল যদিও ওচৰ-চুবুৰীয়াই ভাবিছিল যে তেওঁ সদায়ৰ দৰে ঘৰৰ ভিতৰতে আছে।
সেই ঘৰটোৰ পৰা এটা প্ৰচণ্ড দুৰ্গন্ধ ওলাই আহে। চুবুৰীয়াই কিবা সন্দেহ কৰি লগে লগে আৰক্ষীক খবৰ দিয়ে। আৰক্ষীয়ে খৰধৰকৈ সেই স্থানত উপস্থিত হৈ ঘৰৰ তলা ভাঙি গায়ক ৰবি দেৰ পচি যোৱা মৃতদেহটো মাটিত পৰি থকা অৱস্থাত উদ্ধাৰ কৰে। পাঁচ দিন ঘৰত পৰি থকাৰ পিছত গায়কজনৰ শৰীৰটো সম্পূৰ্ণৰূপে পচি যোৱাৰ লগতে পোক-পৰুৱাৰে আগুৰি ধৰিছিল।
আৰক্ষীয়ে যেতিয়া ৰবি দেৰ মৃত্যুৰ বিষয়ে সন্তানক অৱগত কৰে তেতিয়া তেওঁলোকে মৃতদেহ গ্ৰহণ কৰিবলৈ অস্বীকাৰ কৰে, তেওঁৰ সৈতে কোনো ধৰণৰ যোগাযোগ নাই। সন্তানৰ উত্তৰ শুনি আৰক্ষী বিষয়াসকল হতভম্ব হৈ পৰে। অৱশেষত পুলিচৰ কথা আৰু আইনী যুক্তিৰ অন্তত ল’ৰা-ছোৱালীবোৰে তালৈ আহিবলৈ মান্তি হ’ল। ১৬ আগষ্টত মৰণোত্তৰ পৰীক্ষা সম্পূৰ্ণ হোৱাৰ পিছত আৰক্ষীয়ে মৃতদেহ সন্তানক গতাই দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
