গালেত ভাৰত আৰু শ্ৰীলংকাৰ মাজত অনুষ্ঠিত হোৱা প্ৰথমখন টেষ্ট মেচত ৰবীন্দ্ৰ জাদেজাই মুঠ চাৰিটা ন’ বল বল কৰে। ছচিয়েল মিডিয়াত জাদেজাৰ ন’ বলৰ বিষয়ে ব্যাপক চৰ্চা হৈছিল। এই আলোচনাৰ কাৰণ হ’ল শ্ৰীলংকাৰ অধিনায়ক ধনঞ্জয় ডি ছিলভাক যিটো বলৰে প্ৰথমবাৰ আউট কৰিছিল, সেই বলটোক ন’ বল ঘোষণা কৰা হৈছিল। অৱশ্যে পিছত জাদেজাই পুনৰ ধনঞ্জয়ৰ উইকেটটো দখল কৰে। ক্ৰিকেট খেলপথাৰত কোনে প্ৰথম ন’বল বল কৰিছিল জানেনে? আৰু কোনখন টেষ্ট মেচত ১০৩ টা ন’ বল বল কৰা হৈছিল?
বিশ্বৰ প্ৰথমটো ন’ বল কোনে বলিং কৰিছিল?
বিশ্বৰ প্ৰথমটো ন’বল বলিং কৰে জন উইলেছে। ১৮২২ চনৰ ১৫ জুলাইত লৰ্ডছত কেণ্ট আৰু এমচিচিৰ মাজত অনুষ্ঠিত হোৱা এখন খেলৰ সময়ত জন উইলছৰ ডেলিভাৰীক ৰাউণ্ড আৰ্ম বলিঙৰ বাবে ন’ বল বুলি ৰায় দিয়া হয়। সেই সময়ত কেৱল আণ্ডাৰ আৰ্ম বলিঙহে বৈধ আছিল। উইলেছে ভগ্নী ক্ৰীষ্টিনাৰ সৈতে অনুশীলন কৰি থাকোঁতে ৰাউণ্ড আৰ্ম বলিং শিকিছিল। সেয়াই আছিল ক্ৰিকেট ইতিহাসত প্ৰথমবাৰৰ বাবে কোনো বলাৰক অবৈধ কাৰ্য্যৰ বাবে ন’ বল ঘোষণা কৰাৰ ঘটনা। ইয়াৰ পিছত ক্ৰিকেটৰ বহু নিয়ম সলনি হ’ল, ন’ বলৰো নতুন নতুন নিয়ম ক্ৰিকেটৰ সংবিধানত সংযোজন হ’ল কিন্তু বিশ্ব ক্ৰিকেটৰ ইতিহাসত জন উইলছৰ শিৰত থাকি যাব এই অপ্ৰত্যাশিত ৰেকৰ্ডটো।
কোনখন মেচত সৰ্বাধিক বল দিয়া হৈছে
১৯৭৭ চনত পাকিস্তান আৰু ৱেষ্ট ইণ্ডিজৰ টেষ্ট মেচত সৰ্বাধিক ন’ বল বল কৰা হৈছিল। ব্ৰীজটাউনত অনুষ্ঠিত এই মেচখনত দুয়োটা দলে মিলি মুঠ ১০৩টা ন’ বল বলিং কৰে। ক্ৰিকেট ইতিহাসত এইখনেই একমাত্ৰ মেচ য’ত এখন খেলতে ১০০ৰো অধিক ন’ বল বল কৰা হৈছিল। ১৯৮৮ চনত ৱেষ্ট ইণ্ডিজ আৰু অষ্ট্ৰেলিয়াৰ মাজত অনুষ্ঠিত হোৱা একন মেচত ৯০টা ন’ বল বল কৰা হৈছিল।
কোন খেলুৱৈয়ে নিজৰ কেৰিয়াৰত সৰ্বাধিক বল ন’ বল কৰিছিল
টেষ্ট ক্ৰিকেটৰ ইতিহাসত এই পৰ্যন্ত সৰ্বাধিক ন’ বল কৰা বলাৰজন হৈছে অষ্ট্ৰেলিয়াৰ ব্ৰেট লী।
অষ্ট্ৰেলিয়াৰ প্ৰাক্তন বেগী বলাৰগৰাকীয়ে নিজৰ টেষ্ট কেৰিয়াৰত ৪৭২টা ন’ বল বল কৰে। ৱেষ্ট ইণ্ডিজৰ প্ৰাক্তন ফাষ্ট বলাৰ ফিডেল এডৱাৰ্ডে টেষ্ট কেৰিয়াৰত ৩২৫টা ন’ বল বলিং কৰে।
টেষ্টত ৩১৪টা ন’ বলৰে সৰ্বাধিক ন’ বল কৰা ভাৰতীয় বলাৰজন হৈছে ঈশান্ত শৰ্মা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
