বুধবাৰে ৰাছিয়াৰ বৈদেশিক মন্ত্ৰী ছেৰ্গেই লাভ’ৰ’ভে তৃতীয় বিশ্ব যুদ্ধ আশংকাক অন্য এক মাত্ৰা প্ৰদান কৰা পৰিলক্ষিত হৈছে৷ ৰাছিয়ান বৈদেশিক মন্ত্ৰীগৰাকীয়ে সংবাদ সংস্থা আৰআইএ-ক জনায় যে তৃতীয় বিশ্ব যুদ্ধ সংঘটিত হ’লে পাৰমাণৱিক অস্ত্ৰ প্ৰয়োগ কৰা হ’ব আৰু ই অধিক ধ্বংসাত্মক হ’ব৷
মন্ত্ৰী ছেৰ্গেই লগতে কয়ে যে যোৱা সপ্তাহত ইউক্ৰেইনৰ বিৰুদ্ধে এক বিশেষ সামৰিক অভিযান আৰম্ভ কৰা ৰাছিয়াই যদি কীয়েভত পাৰমাণৱিক অস্ত্ৰ আহৰণ কৰে তেতিয়াহে ‘প্ৰকৃত বিপদ’ৰ সন্মুখীন হ’ব। ইয়াৰ দ্বাৰা ৰাছিয়ান বৈদেশিক মন্ত্ৰী গৰাকীয়ে তৃতীয় বিশ্ব যুদ্ধৰ সূচনাৰে পাৰমাণৱিক অস্ত্ৰ প্ৰয়োগৰ ইংগিত দিয়া বুলিও ধাৰণা কৰা হৈছে৷
লগতে পঢ়ক যুদ্ধ বিধ্বস্ত ইউক্ৰেইনত আৰু এগৰাকী ভাৰতীয় শিক্ষাৰ্থীৰ মৃ্ত্যু
আমেৰিকা, কানাডাসহ পশ্চিমীয়া ৰাষ্ট্ৰসমূহে ৰাছিয়াৰ বিৰুদ্ধে অৰ্থনৈতিক আৰু বিভিন্ন প্ৰতিবন্ধকতা আৰোপ কৰাৰ পিছতো ইউক্ৰেইন আক্ৰমণ আৰম্ভ কৰাৰ সাতটা দিনৰ পিছত ৰাছিয়াই বুধবাৰে ইউক্ৰেইনৰ দক্ষিণাঞ্চলৰ প্ৰধান বৃহৎ খেৰচন দখল কৰা বুলি দাবী কৰিছে৷
আমেৰিকা যুক্তৰাষ্ট্ৰৰ ৰাষ্ট্ৰপতি জ’ বিডেনে তেওঁৰ ষ্টেট অৱ দ্য ইউনিয়নত দিয়া ভাষণত ৰাছিয়াৰ আক্ৰমণ সন্দৰ্ভত ৰুছ ৰাষ্ট্ৰপতি ভ্লাদিমিৰ পুটিনক উদ্দেশ্য কৰি কয় যে, ‘‘যদিও তেওঁ যুদ্ধক্ষেত্ৰত সফলতা লাভ কৰিব পাৰে, তেওঁ ভৱিষ্যতে ইয়াৰ উচিত মূল্য পৰিশোধ কৰিবলৈ সাজু থাকিব লাগিব।’’ মাৰ্কিন ৰাষ্ট্ৰপতিগৰাকীয়ে লগতে কয় যে, ‘‘ভৱিষ্যতে কি হ’ব সেই বিষয়ে কোনো ধাৰণা নাই।’
লগতে পঢ়ক যুদ্ধ বিধ্বস্ত ইউক্ৰেইনত পাকিস্তানী আৰু তুৰ্কী শিক্ষাৰ্থীৰ হাতত ভাৰতৰ জাতীয় পতাকা কিয়?
ইফালে ইউক্ৰেইনৰ দ্বাৰা তীব্ৰ প্ৰতিৰোধৰ সন্মুখীন হৈছে ৰাছিয়াৰ আক্ৰমণকাৰী সৈন্য৷ কীয়েভৰ উত্তৰে এক মাইল দীঘল ৰাছিয়াৰ সামৰিক কনভয় ৰাজধানীৰ ফালে সামান্য অগ্ৰগতি লাভ কৰিছে বুলিও বাতৰি আহিছে।
আনহাতে, বুধবাৰে এক ভিডিঅ’যোগে ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে কয় যে মস্কোৱে আক্ৰমণ কৰা প্ৰথম ছয়টা দিনত ইউক্ৰেইনৰ সেনাই প্ৰায় ৬,০০০ ৰাছিয়ান সৈন্যক হত্যা কৰিছে৷ তেওঁ লগতে দৃঢ়তাৰে কয় ক্ৰেমলিনে তেওঁৰ দেশক বোমা আৰু বিমান আক্ৰমণ কৰিলেও পৰাভূত কৰিব নোৱাৰে।
লগতে পঢ়ক ইউক্ৰেইনলৈ আমেৰিকাসহ কোন কোন ৰাষ্ট্ৰই কিমান, কি কি সামৰিক সাহায্য আগবঢ়াইছে?
ইফালে আমেৰিকা, কানাডাসহ পশ্চিমীয়া দেশবোৰে অৰ্থাৎ ইউৰোপীয় ইউনিয়নে তেওঁলোকৰ আকাশ ৰাছিয়ান বিমানৰ বাবে নিষিদ্ধ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ