এটা মাত্ৰ ৰাতিৰ ভিতৰতে এজন লোকৰ ভাগ্যৰ চকৰী সলনি হৈ গ’ল৷ মাটি খান্দি ৰাতিটোৰ ভিতৰতে এগৰাকী গঞা কোটিপতি হৈছে৷
মধ্য প্ৰদেশৰ পন্না জিলাৰ কিশোৰগঞ্জৰ সুশীল শুক্লা নামৰ লোকজনে মাটি খান্দি ৰাতিটোৰ ভিতৰতে কোটিপতি হৈছে৷
প্ৰকাশিত খবৰ অনুসৰি সুশীল শুক্লাই মাটি খান্দি থাকোতে ২৬.১১ কেৰেট হীৰা লাভ কৰিছে৷ যি হীৰাৰ মূল্য প্ৰায় ১.২০ কোটি টকা৷
প্ৰকাশিত খবৰ অনুসৰি সুশীল শুক্লা নামৰ লোকজনে হীৰা খনিৰ সমীপৰ কৃষ্ণা কল্যাণপুৰ ক্ষেত্ৰত মাটি খান্দি থাকোতে এই মূল্যৱান হীৰা ডোখৰ লাভ কৰে৷
হীৰা বিষয়া ৰবি পেটেলে সুশীল শুক্লাই মাটি খান্দোতে লাভ কৰা এই মূল্যৱান হীৰা ডোখৰ অতি শীঘ্ৰেই নিলাম কৰা হ’ব বুলি সদৰী কৰিছে৷ বিষয়াগৰাকীৰ মতে চৰকাৰী ৰয়েলিটি আৰু কৰ লোৱাৰ পিছত ৰৈ যোৱা হীৰাৰ মূল্য ইয়াৰ গৰাকীক দিয়া হ’ব৷
ৰবি পেটেল প্ৰকাশ কৰা অনুসৰি হীৰা ডোখৰৰ মূল্য অতি কমেও ১.২০ কোটি টকা হ’ব৷ তেওঁৰ মতে নিলামত হীৰা ডোখৰ মূল্য আৰু অধিক পোৱাৰো সম্ভাৱনা আছে৷
ইফালে মাটি খান্দোতে হীৰা লাভ কৰা সুশীল শুক্লাই প্ৰকাশ কৰিছে যি ডোখৰ মাটিত তেওঁ মূল্যৱান হাৰী লাভ কৰিছিল সেই মাটিখিনি কেইজমান সতীৰ্থৰ সৈতে লীজত লৈছিল৷ হীৰা ডোখৰৰ লাভ কৰা ধন তেওঁ সতীৰ্থকেইজনৰ সৈতে ভাগ কৰি ব্যৱসায়ত খটোৱাব বুলি সদৰী কৰিছে৷
লীজত মাটি লৈ ইটাৰ ভাটা চলোৱা সুশীল শুক্লাই লগতে প্ৰকাশ কৰিছে যে যোৱা ২০ বছৰে উক্ত মাটিত খনন কৰি আহিলেও প্ৰথমবাৰ বাবে হীৰা লাভ কৰিছে৷
ইফালে হীৰা বিষয়া পেটেলৰ মতে বিগত ৬১ বছৰে পন্নাৰ উথলি হীৰাখনিত লাভ কৰা এই হীৰা ডোখৰেই হৈছে আটাইতকৈ বৃহৎ হীৰাৰ টুকুৰা৷ ইয়াৰ পূৰ্বে ৰছুল মহম্মদ নামৰ এজন লোকে পন্নাতে ১৯৬১ চনত ৪৪.৩৩ কেৰেট হীৰা লাভ কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
