দুবছৰৰ পিছত ৰঙালী বিহুক মনৰ হেঁপাহেৰে উদযাপন কৰিবলৈ গৈ এগৰাকী কিশোৰী ধৰ্ষণৰ বলি হ’ব লগা হৈছে৷ এই জঘন্য ঘটনাটো সংঘটিত হৈছে লখিমপুৰ জিলাৰ ঢকুৱাখনাত৷
অভিযোগ অনুসৰি যোৱা ১৫ এপ্ৰিলত নৱম শ্ৰেণীৰ এগৰাকী ছাত্ৰীক একেখন গাঁৱৰে উপেন দাস (২৫) নাৰ এগৰাকী যুৱকে ধৰ্ষণ কৰে৷
লগতে পঢ়ক প্ৰকৃত সোণ-ৰূপৰ ফুলেৰে আলিয়াৰ বিয়াৰ পোছাক কোনে প্ৰস্তুত কৰিছিল?
ঘটনাৰ বিৱৰণীৰ মতে বিহুতলীৰ পৰা নিশা ৮ মান বজাত ঘৰত থৈ অহাৰ প্ৰলোভনেৰে যুৱকজনে কিশোৰীগৰাকীক নিশাৰ অন্ধকাৰৰ সুযোগ লৈ ধৰ্ষণকাণ্ড সংঘটিত কৰে৷
ইতিমধ্যে ঘটনাৰ সন্দৰ্ভত কিশোৰীগৰাকীৰ পৰিয়ালে আৰক্ষীৰ ওচৰত অভিযোগ দাখিল কৰিছে৷ অৱশ্যে, ঢকুৱাখানা আৰক্ষীয়ে এতিয়াও অভিযুক্ত উপেন দাসক কৰায়ত্ত কৰিবলৈ সক্ষম হোৱা নাই৷
লগতে পঢ়ক ৫০ টকীয়া পুৰণি নোটেৰে কেনেকৈ লাখপতি হ’ব পাৰি? চাওক এই প্ৰতিবেদন…
ইফালে অভিযুক্ত উপেন দাসৰ পৰিয়ালৰ লোকে সমগ্ৰ ঘটনাটো গাপ দিবলৈ চেষ্টা কৰাৰ লগতে ভুক্তভোগী কিশোৰীগৰাকীৰ দৰিদ্ৰ পৰিয়ালটোৰ সৈতে বুজাবুজি কৰিবলৈ চেষ্টা কৰা বুলিও প্ৰকাশ পাইছে৷
আনহাতে এই খবৰ পাই আগন্তুক ১২ ঘণ্টাৰ ভিতৰতে অভিযুক্ত যুৱকজনক আৰক্ষীয়ে গ্ৰেপ্তাৰ নকৰিলে তীব্ৰে আন্দোলন গঢ়ি তোলা হ’ব বুলি হুংকাৰ প্ৰদান কৰিছে ঢকুৱাখনা মহকুমা ছাত্ৰ সন্থাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
