সাম্প্ৰতিক সময়ৰ বিশ্বৰ অন্যতম শ্ৰেষ্ঠ ফুটবলাৰ ক্ৰিষ্টিয়ানো ৰ’ণাল্ডোৰ এক পুত্ৰ সন্তানৰ মৃত্যু হৈছে৷ এই দুখজনক খবৰটো ক্ৰিষ্টিয়ানো ৰ’ণাল্ডো আৰু তেওঁৰ জীৱন সংগী জৰ্জিয়া ৰ’ড্ৰিগেজে সামাজিক মাধ্যম যোগে প্ৰকাশ কৰিছে৷
সামাজিক মাধ্যমৰ এটা বাৰ্তাৰ যোগেদি ৰ’ণাল্ডো আৰু জৰ্জিয়াই জনাইছে যে তেওঁলোকৰ পৰিয়ালে অতি কষ্টকৰ আৰু কঠিন সময় পাৰ কৰিছে৷
উল্লেখ্য যে যোৱা বৰ্ষৰ অক্টোবৰ মাহত ৰ’ণাল্ডো আৰু তেওঁৰ জীৱন সংগী জৰ্জিয়াই পুনৰ এহাল যমজ সন্তানৰ পিতৃ-মাতৃ হৈছিল৷ এই খবৰো তেওঁলোকে সামাজিক মাধ্যমযোগে প্ৰকাশ কৰিছিল৷
লগতে পঢ়ক ৰঙালী বিহুৰ উছাহৰ মাজতে কিশোৰীক ধৰ্ষণ! পলাতক অভিযুক্ত
কিন্তু দুৰ্ভাগ্যজনকভাৱে এই যমজ সন্তানদ্বয়ৰে পুত্ৰ সন্তানটিৰ মৃত্যু হৈছে৷ বৰ্তমান মনচেষ্টাৰ ইউনাইটেডৰ ফৰৱাৰ্ডগৰাকীয়ে সোমবাৰে সামাজিক মাধ্যমত কয় যে ‘‘অতি দুখেৰে জনাওঁ যে আমাৰ পুত্ৰ সন্তানটি আৰু নাই৷ এয়া আমাৰ বাবে অসহ্যকৰ যন্ত্ৰণা আৰু দুখ, যি কেৱল অভিভাৱকসকলেহে বুজিব পাৰে৷’’
— Cristiano Ronaldo (@Cristiano) April 18, 2022
যমজ সন্তানদ্বয়ৰ জীৱিত কন্যা সন্তানটিয়ে এই মুহূৰ্তত তেওঁলোকক সাহস, শক্তি, সুখ প্ৰদান কৰাৰ লগতে অকণ আশা দিছে বুলিও তেওঁলোকে প্ৰকাশ কৰিছে৷
‘‘আমি সকলো চিকিৎসক আৰু নাৰ্ছক ধন্যবাদ জ্ঞাপন কৰিছো যিসকলে যতন লোৱাৰ লগতে আমাক সমৰ্থন দিছিল৷ কণমানিটিক হেৰুওৱাই আমি এই সময়ত অতি কঠিন সময় পাৰ কৰিছো৷’’ তেওঁলোকৰ পুত্ৰ সন্তানটিক চিকিৎসা কৰা চিকিৎসক আৰু নাৰ্ছসকলক ধন্যবাদ জ্ঞাপন কৰি ৰ’ণাল্ডো আৰু জৰ্জিয়াই লগতে কয়৷
লগতে পঢ়ক আহিব নেকি তৃতীয়টো ঢৌ! একেদিনাই দেশত ৯০ শতাংশ কোভিড আক্ৰান্তৰ বৃদ্ধি
উল্লেখ্যে বৰ্তমান মনচেষ্টাৰ ইউনাটেডৰ সৈতে ইংলিছ প্ৰিমিয়াৰ লীগত ব্যস্ত থকা ক্ৰিষ্টিয়ানো ৰ’ণাল্ডোৰ পৰ্টুগালে কঠিন যুঁজৰ অন্তত আগন্তুক কাটাৰ ফিফা বিশ্বকাপ ২০২২ৰ মূল পৰ্বত প্ৰৱেশ কৰিছে৷ বৰ্তমান দুটা পুত্ৰ সন্তান ক্ৰমে ক্ৰিষ্টিয়ানো জুনিয়ৰ, মাটিও আৰু কন্যা ক্ৰেম ইভা আৰু এলেনাৰ নামৰ চাৰি সন্তানৰ পিতৃ ক্ৰিষ্টিয়ানো ৰণাল্ডো৷
ইফালে এই বাৰ্তা লাভ কৰিয়ে তেওঁৰ ক্লাৱ মনচেষ্টাৰ ইউনাইটেডেও শোক প্ৰকাশ কৰি ফুটবলাৰ গৰাকীৰ পৰিয়াললৈ সমবেদনা জ্ঞাপন কৰিছে৷
‘‘তোমাৰ শোক আমাৰো শোক, ক্ৰিষ্টিয়ানো, তোমাৰ লগতে তোমাৰ পৰিয়াললৈ আমি মৰম, শক্তি আৰু সাহস প্ৰেৰণ কৰিছো৷’’ ক্লাবটোৱে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
