পশ্চিম বংগৰ বঙাইগাঁৱৰ তৃণমূল কংগ্ৰেছৰ এজন কাউন্সিলাৰক তেওঁৰ বাসগৃহৰ পৰা অবৈধ ছেক্স ৰেকেট চলোৱাৰ অভিযোগত গ্ৰেপ্তাৰ কৰা হৈছে। খবৰ অনুসৰি আৰক্ষীয়ে তেওঁৰ ঘৰত অভিযান চলাই দুগৰাকী মহিলা আৰু এটা শিশুক সেই স্থানৰ পৰা উদ্ধাৰ কৰে।
সংবাদ মাধ্যমৰ বাতৰি অনুসৰি এই অভিযানৰ সময়ত কাউন্সিলাৰগৰাকীয়ে সুৰা সেৱন কৰি থকা অৱস্থাত উদ্ধাৰ হৈছে৷ আৰক্ষীয়ে আটক কৰি তদন্তৰ অংশ হিচাপে জেৰা ইতিমধ্যে আৰম্ভ কৰিছে৷ অভিযুক্ত মনি গাজীয়ে অৱশ্যে সকলো অভিযোগ অস্বীকাৰ কৰিছে৷
ঘৰটোত উপস্থিত থকা মহিলাগৰাকী ভাড়াঘৰ বিচাৰি অহা মহিলা বুলি দাবী কৰিছে৷ বাসগৃহত কোনোধৰণৰ অবৈধ কাৰ্যকলাপ সংঘটিত হোৱা নাই বুলিও দাবী কৰিছে কাউন্সিলাৰ মনি গাজীয়ে৷ এই ঘটনাক লৈ মুখ খুলিছে অঞ্চলটোৰ বিজেপি কৰ্মকৰ্তাসকলেও৷ এই অভিযোগ সঁচা প্ৰমাণিত হ’লে কঠোৰ ব্যৱস্থা গ্ৰহণৰ দাবী জনাইছে বিজেপিৰ আঞ্চলিক নেতাসকলে৷
বাতৰি লিখাৰ সময়লৈকে পোৱা তথ্য অনুসৰি মানি গাজী পুৰণি টিএমছি নেতা৷ এই ঘটনাক লৈ তৃণমূল কংগ্ৰেছৰ তৰফৰ পৰা কোনোধৰণৰ প্ৰতিক্ৰিয়া বৰ্তমানলৈকে অহা নাই৷ আৰক্ষীয়ে জনোৱা মতে, তদন্ত অব্যাহত আছে আৰু তদন্তৰ সময়ত সংগ্ৰহ কৰা প্ৰমাণৰ ভিত্তিত আইনী ব্যৱস্থা গ্ৰহণ কৰা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
