‘আমাক কংগ্ৰেছ নালাগে’- দিল্লীত অকলেই নিৰ্বাচনত নামিব আপ
আগন্তুক দিল্লী বিধানসভা নিৰ্বাচনৰ বাবে কংগ্ৰেছৰ সৈতে মিত্ৰতাৰ সম্ভাৱনীয়তা নুই কৰিলে আম আদমী পাৰ্টিয়ে । এক্সত দিয়া এক বিবৃতিত দলটোৱে ঘোষণা কৰে যে, ‘আম আদমী পাৰ্টিয়ে দিল্লীত নিজৰ শক্তিৰে এই নিৰ্বাচন যুঁজিব। কংগ্ৰেছৰ লগত কোনো ধৰণৰ মিত্ৰতাৰ সম্ভাৱনা নাই।”
কংগ্ৰেছ আৰু আপৰ মাজত আসন ভাগ-বতৰাৰ খবৰ সংবাদ মাধ্যমত প্ৰকাশ পোৱাৰ পিছতে এই ঘোষণা কৰে আম আদমী পাৰ্টীয়ে। বাতৰি অনুসৰি এই চুক্তিৰ জৰিয়তে কংগ্ৰেছক ১৫খন, ১ বা ২খন আসন অন্যান্য ভাৰতীয় ব্লকৰ সদস্যক আৰু বাকী থকা আসনহে আপক আবণ্টন দিয়া হ’লহেঁতেন।
উল্লেখ্য যে, ২০২৪ চনৰ লোকসভা নিৰ্বাচনৰ বাবে কংগ্ৰেছ নেতৃত্বাধীন ইণ্ডিয়া ব্লকত যোগদান কৰিছিল আপে। কিন্তু এতিয়া আসন ভাহ-বতৰা হোৱাৰ পাছতে মনোমালিন্য হয় আপৰ মাজত। যাৰ বাবে এতিয়া স্বতন্ত্ৰভাৱে ৰাজ্যিক নিৰ্বাচনত অৱতীৰ্ণ হোৱাৰ পথ বাছি লৈছে আপ দলে।
আনহাতে হাৰিয়ানা বিধানসভা নিৰ্বাচনতো আপ আৰু কংগ্ৰেছে প্ৰথমে একেলগে নিৰ্বাচনত নমাৰ খথা আছিল, যদিও পাছলৈ দুয়োটা দলে পৃথকে পৃথকে প্ৰতিদ্বন্দ্বিতা কৰে। কিন্তু ৯০খন আসনৰ ভিতৰত ৪৮খন আসনেৰে বিজেপিয়ে ক্ষমতা অক্ষুণ্ণ ৰখাৰ বিপৰীতে কংগ্ৰেছে ৩৭খন আসন লাভ কৰে। পাছে আপে বিশেষ প্ৰভাৱ পেলাব নোৱাৰিলে।
যাৰ বাবে এতিয়া দিল্লীৰ নিৰ্বাচনলৈ বিশেষ চকু ৰাখিছে সকলো ৰাজনৈতিক দৰে। বিজেপিয়ো সম্পূৰ্ণ শক্তিৰে এই নিৰ্বাচনত নামিব। অৱশ্যে এতিয়ালৈকে নিৰ্বাচনৰ তাৰিখ ঘোষণা কৰা হোৱা নাই। আপে এককভাৱে যোৱাৰ সিদ্ধান্তই ৰাষ্ট্ৰীয় ৰাজধানীত ক্ষমতা অক্ষুণ্ণ ৰখাৰ প্ৰতি থকা আত্মবিশ্বাস প্ৰতিফলিত কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
