অসম লাইভ ২৪ঃ আগন্তুক ২০ বছৰত লিভাৰৰ কৰ্কটত মৃত্যু হোৱা লোকৰ সংখ্যা ৫৫ শতাংশলৈ বৃদ্ধি হ’ব। চিকিৎসকে প্ৰকাশ কৰা সমীক্ষাত মতে বিশ্বত প্ৰতি বছৰে লিভাৰৰ কৰ্কটত আক্ৰান্ত লোকৰ সংখ্যা বৃদ্ধি পাইছে। মদ্যপান, অনিয়মীত খাদ্যভাষ, লিভাৰৰ কৰ্কটত আক্ৰান্ত লোকৰ সংখ্যা বৃদ্ধি পাইছে বিশ্বত।
২০২০ বৰ্ষত ৪৬ খন দেশত অত্যাধিক হাৰত বৃদ্ধি হৈছে লিভাৰৰ কৰ্কটত আক্ৰান্ত ৰোগীৰ সংখ্যা। আক্ৰান্ত হোৱাই নহয় লিভাৰৰ কৰ্কটত মৃত্যুও ঘটিছে বহুলোকৰ। ২০৪০ চনত লিভাৰৰ কৰ্কটত আক্ৰান্ত হৈ মৃ্ত্যু হোৱা লোকৰ সংখ্যা ৫৫ শতাংশলৈ বৃদ্ধি পোৱাৰ শংকা ব্যক্ত কৰিছে চিকিৎসকে। ‘জাৰ্নেল অৱ হেপাটোলজি’ নামৰ চিকিৎসা বিজ্ঞানৰ এখন পত্ৰিকাত প্ৰকাশ হৈছে এই তথ্য। প্ৰত্যেকবছৰেই পৃথিৱীত বাঢ়িছে কৰ্কট আক্ৰান্তৰ সংখ্যা। ২০২০ বৰ্ষত সমগ্ৰ বিশ্বৰ ৮ লাখ লোক লিভাৰৰ কৰ্কটত আক্ৰান্ত হৈছে। পূব এছিয়া, উত্তৰ আফ্ৰিকাত লিভাৰৰ কৰ্কটত আক্ৰান্ত লোকৰ সংখ্যা সৰ্বাধিক।
কি কি কাৰণত বৃদ্ধি হৈছে লিভাৰৰ কৰ্কটত আক্ৰান্ত লোকৰ সংখ্যা সেই কথাৰো বাখ্যা দাঙি ধৰিছে চিকিৎসকে। চিকিৎসকে প্ৰকাশ কৰা মতে অতিৰিক্ত মদ্যপান, শৰীৰৰ ওজন বৃদ্ধি, ডায়াবেটিছ, আস্বাস্থ্যকৰ জীৱন-যাপন, অত্যাধিক কম পৰিমানে খাদ্য পৰিৱেশন, নিদ্ৰাহীনতা, কামৰ অত্যাধিক চাপ আদিয়ে লিভাৰৰ ওপৰত প্ৰভাৱ পেলাই। বেছিভাগ সময়ে বাহিৰত খাদ্যগ্ৰহণ কৰা লোকৰো লিভাৰৰ কৰ্কট হোৱাৰ আশংকা বৃদ্ধি পায়। ওজন নিয়ন্ত্ৰণ কৰিব নোৱাৰিলে লিভাৰ ভালে ৰখা অসম্ভৱ। তেল-মছলাজাতীয় খাদ্য, অতিৰিক্ত মিঠা খোৱাৰ অভ্যাসেও লিভাৰৰ ক্ষতি কৰে।
উল্লেখ্য যে, লিভাৰ সুস্থ ৰাখিবলৈ হ’লে নিয়মিত খাদ্য সেৱন, মদ্যপানৰ অভ্যাস বাদ দিয়া, বাহিৰত খাদ্য গ্ৰহণৰ অভ্যাস এৰা, বেছি পৰিমানে পানী খোৱা আদি অভ্যাস গঢ়ি তোলাৰ লগতে সময়ে সময়ে চিকিৎসকৰ পৰামৰ্শ লোৱাটো প্ৰয়োজন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
