শেহতীয়াকৈ বলীউডৰ অভিনেতা ববি দেওলে নিজৰ কেৰিয়াৰৰ প্ৰথম দিনৰ কিছু কাহিনী শ্বেয়াৰ কৰিছিল যিবোৰ নিমিষতে ভাইৰেল হৈ পৰে। সহ অভিনেতাৰ সৈতে কাজিয়াৰ পৰা আৰম্ভ কৰি চেটত বিভিন্ন দুষ্টামিলৈকে ববিৰ নাম বহুতৰে লগত জড়িত হৈ আহিছে।
বলীউডৰ অভিনেতা ববি দেওলে দীৰ্ঘদিন ধৰি বাতৰিৰ শিৰোনাম দখল কৰি আহিছে। কেৰিয়াৰৰ আৰম্ভণিতে তেওঁৰ ভাবমূৰ্তি সম্পূৰ্ণ বেলেগ আছিল। শ্বুটিং স্থলীৰ ধেমালিবোৰৰ লগতে সহ অভিনেতাসকলক ঠাট্টা কৰাৰ বাবে তেওঁ পৰিচিত আছিল। ফলত তেওঁৰ বিষয়ে প্ৰায়ে এনে কাহিনী ওলাইছিল। শেহতীয়াকৈ ববি দেওলে তেওঁৰ চলচ্চিত্ৰ জীৱনৰ কিছুমান ঘটনা শ্বেয়াৰ কৰে, যিয়ে পুৰণি স্মৃতিবোৰ ঘূৰাই আনিছিল। শেহতীয়াকৈ তেওঁ টুইংকল খান্নাৰ সৈতে বিতৰ্ক আৰম্ভ কৰাৰ পিছত মনীষা কৈৰালাৰ সৈতে এটা বিশেষ দৃশ্যৰ শ্বুটিং কৰাৰ তিক্ত স্মৃতিৰ বিষয়ে মুকলিকৈ কয়।
ববি দেওলে আজিকালি কেৱল চিনেমাৰ বাবেই নহয়, অতীতৰ কিছু হাস্যকৰ ঘটনাৰ বাবেও বাতৰিৰ শিৰোনাম দখল কৰিছে। শেহতীয়াকৈ ‘আপ কি আদালাত’ অনুষ্ঠানত নিজৰ কেৰিয়াৰৰ আৰম্ভণিৰে পৰা কিছু হাস্যকৰ আৰু অচিনাকি কাহিনীৰ বিষয়ে ক’লে। তেওঁৰ ছবিত অভিনেত্ৰীক হাৰাশাস্তি কৰাৰ উৰাবাতৰিৰ কথাও কয়। কথা-বতৰাৰ মাজতে ববিয়ে মনীষা কৈৰালাৰ সৈতে ‘গুপ্ত’ চিনেমাখনৰ শ্বুটিংৰ পৰা এটা ঘটনা প্ৰকাশ কৰে, য’ত সকলোকে হাঁহিৰ খোৰাক যোগাইছিল।
বিশেষকৈ ১৯৯৫ চনৰ ছবি ‘বৰছাত’ৰ সময়ত ববিয়ে নিজৰ মহিলা নায়িকাৰ সৈতে সৰু কাজিয়া কৰাৰ অভিযোগ উত্থাপন হৈছিল। টুইংকল খান্নাৰ সৈতে হোৱা কাজিয়াকো তেওঁ কয়। ববিয়ে স্পষ্ট কৰি দি কয়, “তেতিয়া আমি দুয়ো বহুত সৰু আছিলো। সৰুৰে পৰা মোৰ পেটৰ সমস্যা আছিল। মই এই বিষয়ে বহুত কথা পাতিছিলো… যেনে, ‘আজি টয়লেটলৈ গৈছিলো, কাইলৈ কৰিম, কেনে লাগিছিল?’ টুইংকলে আগতে ইয়াৰ বাবে বৰ খং কৰিছিল।” তেওঁ লগতে কয় যে টুইংকলে এবাৰ এছ কেৰ সৈতে হোৱা এক সাক্ষাৎকাৰত এই কথা উল্লেখ কৰিছিল, তাৰ পিছত ববিয়ে তেওঁক ফোন কৰি নিজৰ অসন্তুষ্টি প্ৰকাশ কৰিছিল।
মনীষা কৈৰালাৰ সৈতেও ববিৰ চাঞ্চল্যকৰ তথ্য পোহৰলৈ আহে। তেওঁ কয় যে ১৯৯৭ চনৰ ছুপাৰহিট ছবি ‘গুপ্ত’ৰ শ্বুটিংৰ সময়ত এটা গীতৰ দৃশ্যৰ দৃশ্যগ্ৰহণ চলি আছিল। শ্বুটিঙৰ সময়ত যথেষ্ট ঠাণ্ডা আছিল, আৰু এজন ব্যক্তিয়ে ভজা চানা বিক্ৰী কৰি আছিল। তেতিয়া মনীষা কইৰালাই বৰ আগ্ৰহেৰে ভজা চানা আৰু বহুত পিঁয়াজ খাইছিল। যাৰ বাবে চুটিঙৰ সময়ত চুম্বৰ দৃশ্যটোৰ অস্বস্তি অনুভৱ কৰিছিল অভিনেতাজনে। ববিয়ে ধেমালিতে কয় যে সেই মুহূৰ্তত তেওঁ পৰিস্থিতি কেনেকৈ চম্ভালিছে নিজেই নাজানে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
