অসম লাইভ২৪ঃ আজি অভিনেত্ৰী তথা ৰাজ্যসভাৰ সাংসদ জয়া বচ্চনৰ আজি ওপজা দিন৷ দীৰ্ঘদিন ধৰি কোনোৱেই কেমেৰাৰ সন্মুখত দেখা নাই জয়াক, জন্মদিন প্ৰাকক্ষণত এই বিষয়টোক লৈয়ো চলিছে চৰ্চা৷
সাংবাদিকসকলকো প্ৰায় প্ৰতিসময়তে দুৰ্ব্যৱহাৰেই কৰে জয়াই৷ বদমেজাজী, ৰুক্ষ বুলি জয়া সকলোৰে মাজত পৰিচিত৷ জয়াৰ এনে ব্যৱহাৰৰ ভিডিঅ বহুসময়ত সামাজিক মাধ্যমত শ্বেয়াৰো হয়৷ জয়া ভীষণ মুডি বুলিও বহুতেই ক’ব খোজে৷ অৱশ্যে নিজৰ বক্তব্য, ভাৱধাৰাক লৈ সদা সচেতন জয়া৷ নোকোৱাকৈ যদি কোনোৱে ছবি তোলে জয়াই সেই বিষয়টোক একেবাৰেই পছন্দ নকৰে৷ কিয় এইবোৰ কামত ক্ষোভিত হয় জয়া তাৰো কাৰণ তেওঁ নিজেই বাখ্যাও কৰিছে৷
ভাইৰেল হৈছে জয়া বচ্চনৰ এক পুৰণি ভিডিঅ’৷ সেই ভিডিঅ’ ক্লিপটোত জয়াই কয়, ‘কোনোৱে যদি মোৰ চকুৰ সন্মুখত ভুল কৰে মই চুপ থাকিব নোৱাৰো৷ উত্তৰ দিলেহে শান্তি পাওঁ৷ আৰু উত্তৰ দিয়াটো উচিত বুলিয়েই মই ভাৱো৷ মই আগৰে পৰাই প্লেন কৰি একো নকৰো৷ যি কৰো বা কওঁ সকলো পৰিবেশৰ ওপৰত নিৰ্ভৰশীল৷ ইয়াৰোপৰি অন্য ফটুৱামীৰ উত্তৰ দিবলৈ বা শুনিবলৈ মোৰ হাতত সময়ো কম থাকে সেয়ে এইসমূহৰ উত্তৰ মই নিদিও৷ ইয়াৰ বাবে যদি মই বদমেজাজী তেন্তে মই বদমেজাজীয়েই৷’
আনহাতে মাক জয়াৰ খঙক লৈ তেওঁৰ কন্যা শ্বেতাই কয়, ‘নোকোৱাকৈ ফটো তোলাটো মায়ে একেবাৰেই পছন্দ নকৰে৷ খুব ভীৰ দেখিলে মায়ে উশাহ বন্ধ হোৱা যেন অনুভৱ কৰে৷ অত্যাধিক ভীৰ দেখিলে মাৰ মগজু গৰম হৈ যায়৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
