৮ মাৰ্চ আন্তজাৰ্তিক নাৰী দিৱস৷ বিশ্বৰ নাৰী সমাজৰ গণতান্ত্ৰিক তথা ৰাজনৈতিক, সামাজিক আৰু অৰ্থনৈতিক অধিকাৰ সাব্যস্তকৰণৰ আন্দোলনে সমগ্ৰ বিশ্বতে স্বীকৃতি লাভ কৰা এই নাৰী দিৱস প্ৰতি বছৰে ৮ মাৰ্চত বিশ্বজুৰি পালন কৰা হয়৷
এই নাৰী দিৱসৰ দিনাই আফগানিস্তানৰ তালিবানে টুইট কৰি নাৰী দিৱসৰ শুভেচ্ছা জ্ঞাপন কৰিছে৷ আফগানিস্তানৰ বৈদেশিক মন্ত্ৰলায়ৰ মুখপাত্ৰ আব্দুল কাহাৰ বালখিয়ে টুইট কৰি আফগান মহিলাৰ সন্মান ৰক্ষা কৰা হ’ব বুলি মন্তব্য কৰিছে৷
‘‘৮ মাৰ্চৰ আন্তজাৰ্তিক নাৰী দিৱসটো সমস্ত নাৰী সমাজৰ বাবে শুভ হওক৷’’ টুইট কৰি ইয়াৰ লগতে কোৱা হৈছে যে আফগানিস্তানত অব্যাহত থকা দীৰ্ঘদিনীয়া যুদ্ধই মহিলাসকলৰ বিস্তৰ ক্ষতি কৰিছে৷ সেয়ে আগন্তুক দিনত আফগান মহিলাই যাতে সন্মানজনক ভাৱে জীয়াই থাকিব পাৰে সেইটো নিশ্চিত কৰা হ’ব৷
লগতে পঢ়ক তেওঁলোকৰ কি কি গোপনীয়তাৰ বিষয়ে পুৰুষে জনাতো বিচাৰে মহিলাই?
আফগান মহিলাৰ সন্মান কেনেকৈ ৰক্ষা কৰা হ’ব সেই বিষয়েও উল্লেখ কৰা হৈছে৷ ইছলামন ৰীতি-নীতি ৰক্ষা কৰি তালিবানে আফগান মহিলাৰ সন্মান ৰক্ষা কৰিব বুলি উল্লেখ কৰিছে৷ তালিবানৰ নাৰী দিৱসৰ এই শুভেচ্ছাসহ আফগান মহিলাৰ সন্মান ৰক্ষাৰ সংকল্প দেখি সমগ্ৰ বিশ্বই অবাক হৈ পৰিছে৷
উল্লেখ্য যে প্ৰথমে ১৯৯৬ চনৰ পৰা ২০০১ চনলৈ তালিবানে আফগানিস্তান শাসন কৰি মহিলাৰ সকলো অধিকাৰকে দেশখনৰ পৰা বিলোপ কৰিছিল৷ যোৱা বৰ্ষত পুনৰ আফগানিস্তান দখল কৰি তালিবানে মহিলাৰ শিক্ষাকে আদি কৰি কৰ্মৰ অধিকাৰ আদিও হৰণ কৰিছে৷
কিন্তু আফগানিস্তান দখল কৰাৰ পিছতে পূৰ্বৰ তালিবানী নীতিক লৈ বিশ্ব সম্প্ৰদায়ৰ কঠোৰ সমালোচনা সন্মুখীন হৈ তালিবানে নাৰী অধিকাৰ আৰু স্বাধীনতাৰ ৰক্ষাৰ প্ৰতিশ্ৰুতি প্ৰদান কৰিছিল৷ কিন্তু তাৰপিছতো তালিবানে মহিলাৰ ওপৰত কিছুমান নতুন ফটোৱা জাৰি কৰিবলৈ এৰা নাছিল৷
লগতে পঢ়ক ৰাছিয়াই প্ৰকাশ কৰিছে শত্ৰু ৰাষ্ট্ৰৰ তালিকা! কোন কোন ৰাষ্ট্ৰ আছে এই তালিকাত?
ইয়াৰ পিছতে পুনৰ বিশ্ব সম্প্ৰদায়ৰ তীব্ৰ গৰিহণা আৰু সমালোচনাৰ সন্মুখীন হয় তালিবান৷ এইদৰে পুনৰ বিশ্ব সম্প্ৰদায়ৰ গৰিহণাৰ সন্মুখীন হৈ তালিবানে এনে বিবৃতি প্ৰকাশ কৰিছে বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
