সন্ধিয়ালৈকে অপেক্ষা৷ ৫জুনৰ সন্ধিয়া দিল্লীত বিজেপি আৰু এন ডিএ জোঁটৰ বিশেষ বৈঠক৷ এই বৈঠকৰ পাছতেই লোৱা হ’ব চূড়ান্ত সিদ্ধান্ত৷ বৈঠক অনুষ্ঠিত হোৱাৰ পূৰ্বেই পদ বিচাৰি লাগিছে টনা-আঁজোৰা৷ ইতিমধ্যে বিশেষ দুটা দল TDP আৰু JDUয়ে মন্ত্ৰীত্ব বিচাৰি বিজেপিক কামোৰ দিয়া আৰম্ভ কৰিছে বুলি এক সূত্ৰই প্ৰকাশ কৰিছে৷
সূত্ৰৰ খবৰ অনুসৰি জে়ডিইউক লাগে ৩টাকৈ মন্ত্ৰীপদ৷ ইফালে একনাথ সিন্ধেকো লাগে কেবিনেট মন্ত্ৰীপদ৷ চিৰাগ পাছোৱানক লাগে এটা কেবিনেট মন্ত্ৰী আৰু এজন ৰাজ্যিক মন্ত্ৰী৷ জিতেন ৰাম মাঝিয়েও পিছপৰি নাথাকি দাবী কৰিব পাৰে কেবিনেট মন্ত্ৰীপদ৷
সূত্ৰই প্ৰকাশ কৰা অনুসৰি টিডিপিও এৰি দিয়া ভকত নহয়৷ ইতিমধ্যেই টিডিপিয়ে দাবী কৰিছে ১০টাকৈ মন্ত্ৰীত্বৰ পদ৷ মন্ত্ৰীতকৈয়ো ডাঙৰ পদ লাগে টিডিপিক বুলি সূত্ৰটোৱে প্ৰকাশ কৰিছে৷ টিডিপিয়ে দাবী কৰিছে লোকসভাৰ অধ্যক্ষ পদো৷ ইমানেই নহয় চন্দ্ৰবাবু নাইডুক লাগে মন্ত্ৰীসভাৰ ১০টাকৈ বিভাগো৷ কি কি বিভাগ দাবী কৰিছে চন্দ্ৰবাবু নাইডুৰ দলে?
লোকসভাৰ অধ্যক্ষ পদ
পথ পৰিবহন বিভাগ
স্বাস্থ্য
গৃহ নিৰ্মাণ আৰু নগৰ পৰিক্ৰমা বিভাগ
কৃষি
তথ্য সম্প্ৰচাৰ
জলসম্পদ বিভাগ
শিক্ষা
বিত্ত
গ্ৰাম্য উন্নয়ন
লোকসভা নিৰ্বাচনত বিজেপি নেতৃত্বাধীন এন ডি এ জোঁটে ২৯২ আসন লাভ কৰাৰ বিপৰীতে ইণ্ডিয়া জোঁটে লাভ কৰিছে ২৩৪ খন আসন৷ বিজেপিৰ সংখ্যাগৰিষ্ঠতাৰ আসন ২৭২ৰ পৰা কমি হৈছেগৈ ২৪০খন৷ আনহাতে প্ৰধান বিৰোধী দল কংগ্ৰেছে লাভ কৰিছে ৯৯খন আসন৷ ২০১৯ চনত কংগ্ৰেছ দলে লাভ কৰিছিল মাত্ৰ ৫২খন আসন৷ এইবাৰৰ নিৰ্বাচনত ৪৭খন আসন বৃদ্ধি হৈছে কংগ্ৰেছৰ৷
NDAৰ ডাঙৰ ৫টা মিত্ৰদল কি কি?
- TDP(তেলেগু দেশম পাৰ্টী- মুঠ আসন ১৪
- জেডিইউ- মুঠ আসন ১২
- শিৱসেনা- মুঠ আসন৭
- এল জে পি(ৰামভিলাছ)- ৫
- জেডিএছ- মুঠ ২খন আসন
আটাইতকৈ বেছি আসন থকা মিত্ৰদল তেলেগু দেশম পাৰ্টীৰ নেতা চন্দ্ৰবাবু নাইডুয়ে মন্ত্ৰীত্বই দাবী কৰিব পাৰে তেনে নহয়৷ চন্দ্ৰবাবু নাইডুয়ে অন্ধ্ৰপ্ৰদেশৰ বাবে বিশেষ ৰাজ্যৰ মৰ্যাদাও দাবী কৰিব পাৰে কেন্দ্ৰক৷ দেশৰ অন্যান্য অঞ্চলতকৈ পিছপৰা ৰাজ্যসমূহক বিশেষ ৰাজ্যৰ মৰ্যাদা দিয়া হয়৷ তেনেক্ষেত্ৰত অন্ধ্ৰপ্ৰদেশৰ বাবেও এই মৰ্যাদা দাবী কৰাৰ থল আছে যাৰবাবে নাইডুয়ে এই দাবী ৰাখিব পাৰে বুলি জনাইছে একাংশ সূত্ৰই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
