মণিপুৰত পুনৰ সান্ধ্য আইন, শিক্ষানুষ্ঠান-বজাৰ সকলো বন্ধ, ৰাষ্ট্ৰপতিৰ শাসনৰ পাছতো হোৱা নাই শান্ত
অসমৰ চুবুৰীয়া ৰাজ্য মণিপুৰত ৰাষ্ট্ৰপতিৰ শাসন অনাৰ পিছতো পৰিস্থিতি নিয়ন্ত্ৰণলৈ অহা নাই। মণিপুৰত পুনৰবাৰ জাৰি কৰা হৈছে কাৰ্ফিউ তথা সান্ধ্য আইন। চুৰাচান্দপুৰ জিলাত জাৰি কৰা হৈছে কাৰ্ফিউ। চুৰাচান্দপুৰৰ জিলা দণ্ডাধীশ ধৰুণ কুমাৰে এই আইন জাৰি কৰি তাৎক্ষণিকভাৱে কাৰ্যকৰী কৰে।
আদেশত কোৱা হৈছে যে চুৰাচান্দপুৰ আৰু কংৱাই, চামুলামালান, সাংগাইকোটে মহকুমাৰ দুখন গাঁৱত ১৭ এপ্ৰিললৈকে সম্পূৰ্ণ সান্ধ্য আইন প্ৰযোজ্য হ’ব যদিও বাকী অঞ্চলসমূহত অত্যাৱশ্যকীয় সামগ্ৰী আৰু সেৱাৰ বাবে ১৭ এপ্ৰিললৈকে পুৱা ৬ বজাৰ পৰা বিয়লি ৫ বজালৈ সান্ধ্য আইন শিথিল কৰা হ’ব।
উল্লেখ্য যে, এই বিবাদ ১৮ মাৰ্চত সংঘটিত হৈছিল। চুৰাচান্দপুৰত জোমি আৰু হমাৰ সমৰ্থকৰ মাজত সংঘৰ্ষ হৈছিল। দুয়োটা গোটৰ মাজত হোৱা সংঘৰ্ষত এজন লোকে প্ৰাণ হেৰুৱাইছিল। লগতে আহত হয় লোক। এজন ব্যক্তিয়ে এটা মোবাইল টাৱাৰত উঠি জোমিৰ পতাকা আঁতৰাই মাটিত পেলাই দিছিল, যাৰ ফলতেই বিবাদৰ সৃষ্টি হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
