অসম লাইভ ২৪ঃ নাৰীৰ মর্যাদা ৰক্ষাৰ বাবে বিশেষ আইন এলাহাবাদ উচ্চ ন্যায়ালয়ৰ। বিয়াৰ প্ৰলোভনেৰে মহিলাক কৰা যৌন উৎপীড়নৰ বিৰুদ্ধে এই বিশেষ আইন এলাহাবাদ উচ্চ ন্যায়ালয়ৰ। শীঘ্ৰেই প্ৰণয়ণ কৰিব এই আইন। বিভিন্ন সময়ত নাৰীৰ সুৰক্ষাৰ প্ৰতি লক্ষ্য ৰাখি বিভিন্ন আইন প্ৰণয়ন কৰা হৈছে যদিও সুৰক্ষিত হোৱা নাই নাৰীৰ মর্যাদা। বৰঞ্চ প্ৰতিদিনে বৃদ্ধি পাইছে যৌন উৎপীৰণ, ধৰ্ষণ, হত্যা আদিৰ দৰে জঘন্য ঘটনা। শেহতীয়াকৈ উদ্বেগজনকভাৱে বৃদ্ধি পাইছে বিয়াৰ প্ৰলোভনেৰে নাৰীৰ ওপৰত কৰা যৌন উৎপীড়নৰ ঘটনা। এই ক্ষেত্ৰত বিশেষ আইনৰ প্ৰয়োজন বুলি উল্লেখ কৰি শীঘ্ৰেই আইন প্ৰণয়ন কৰা হ’ব বুলিও এক শুনানিযোগে সদৰী কৰে এলাহাবাদ উচ্চ ন্যায়ালয়ে। নাৰী মনোৰঞ্জনৰ আহিলা নহয়, গতিকে বিয়াৰ প্ৰলোভনেৰে মহিলাৰ সৈতে শাৰিৰীক সম্পৰ্ক গঢ়িলে বিশেষ আইনৰ জৰিয়তে শাস্তি পাব দোষীয়ে। বৰ্তমানলৈকে যিসকল নাৰীয়ে এই সমস্যাৰ সন্মুখীন হৈছে, সেইসকলৰ ৰক্ষণাবেক্ষণৰ বাবেও নিম্ন আদালতক ব্যৱস্থা গ্ৰহণৰ আহ্বান জনায় এলাহাবাদ উচ্চ ন্যায়ালয়ে। এক গোচৰৰ পৰিপ্ৰেক্ষিতত শুনানিৰ সময়ত এই সিদ্ধান্ত গ্ৰহণ কৰে উচ্চ ন্যায়ালয়ে। ইয়াৰোপৰি, ঘটনাৰ সৈতে জড়িত অভিযুক্তৰ জামিন আৱেদনো নাকচ কৰে আদালতে। কাৰণ মহিলাৰ সন্মতি অবিহনে স্থাপন কৰা শাৰিৰীক সম্পৰ্ক এক প্ৰকাৰৰ বলাৎকাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
