অসম লাইভ২৪ঃ বিমানত প্ৰস্ৰাৱ কৰা ঘটনাক লৈ সকলোৱে হতবাক হোৱাৰ সময়তে দিল্লী-পাটনা অভিমুখী ইণ্ডিগো বিমানত অঘটন। দেওবাৰে নিশাৰ ভাগত বিমানৰ ভিতৰত দুজন ব্যক্তিক সুৰাপান কৰাৰ অপৰাধত গ্ৰেপ্তাৰ কৰিছে আৰক্ষীয়ে। পাটনা বিমানবন্দৰ আৰক্ষী থানাৰ এজন বিষয়াই প্ৰকাশ কৰা অনুসৰি বিমান সংস্থাৰ লিখিত অভিযোগৰ ভিত্তিতেই এই দুজন ব্যক্তিক গ্ৰেপ্তাৰ কৰা হৈছে।
উল্লেখ্য যে, ইণ্ডিগো বিমান 6E-6383ত সংঘটিত হৈছিল এই ঘটনা। গ্ৰেপ্তাৰ কৰা লোক দুজন ক্ৰমে ৰোহিত আৰু নীতিশ বুলি চিনাক্ত কৰা হৈছে। জানিব পৰা অনুসৰি বিমানৰ ভিতৰত সুৰাপান কৰাত বিমানৰ কৰ্মচাৰী সকলে বাধা প্ৰদান কৰিছিল আৰু তাৰ পাছত ব্যক্তি দুজনে লিখিতভাৱে ক্ষমা বিচাৰে বিমান কৰ্তৃপক্ষৰ ওচৰত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
