অসম লাইভ ২৪ঃ দেশৰ কোভিড পৰিস্থিত ক্ৰমাৎ ভয়ৱহতাৰ ফালে গতি কৰিছে৷ এইপৰ্যন্ত দেশত আমিক্ৰনত আক্ৰান্তৰ সংখ্যা বৃদ্ধি হৈছে ৪১৫ গৰাকীলৈ৷ অমিক্ৰণত সৰ্বাধিক আক্ৰান্ত হৈছে মহাৰাষ্ট্ৰ আৰি দিল্লীত৷ অমিক্ৰনৰ বৰ্ধিত সংক্ৰমণৰ প্ৰতি লক্ষ্য ৰাখি কেন্দ্ৰীয় চৰকাৰে দেশৰ ১০ খন ৰাজ্যলৈ প্ৰেৰণ কৰিছে মাল্টি ডিচিপ্লিনেৰী টীম৷ কেন্দ্ৰীয় স্বাস্থ্য মন্ত্ৰালয়ে সদৰী কৰা অনুসৰি, যিসমূহ ৰাজ্যত অমিক্ৰণ সংক্ৰমণৰ ঘটনা উচ্চ হাৰত বৃদ্ধি পাইছে আৰু ভেকচিনেচৰ হাৰ যিসমূহ ৰাজ্য কম হৈছে সেইসমূহ ৰাজ্যত নিযুক্তি দিব কেন্দ্ৰীয় চৰকাৰৰ বিশেষজ্ঞ দল৷ আগন্তুক ৩-৫ দিনৰ বাবে নিযুক্ত হ’ব ৰাজ্যসমূহত৷ কেৰালা, মহাৰাষ্ট্ৰ, তামিলনাডু, পশ্চিমবংগ, মিজোৰাম, কৰ্ণাটক, বিহাৰ, উত্তৰ প্ৰদেশ, ঝাৰখণ্ড আৰু পঞ্জাবত নিযুক্তি দিব মাল্টি ডিচিপ্লিনেৰী টীম৷ প্ৰতিদিনে সন্ধিয়া ৭ বজাত কোভিড স্থিতি সন্দৰ্ভত ৰিপ’ৰ্ট প্ৰেৰণ কৰিব কেন্দ্ৰলৈ৷ উল্লেখ্য, ভাৰতত এইপৰ্যন্ত অমিক্ৰণত আক্ৰান্তৰ সংখ্যা ৪১৫ টালৈ বৃদ্ধি পাইছে৷ ইয়াৰ বিপৰীতে বিগত ২৪ ঘণ্টাত কোভিড আক্ৰান্তৰ সংখ্যা হৈছেগৈ ৭,১৮৯ গৰাকী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
