আনন্দ মিশ্ৰই নিৰ্বাচন খেলিবনে নেখেলে এই বিষয়টোক লৈ সামাজিক মাধ্যমত ব্যাপকভাৱে চৰ্চা হৈ আছিল৷ আই পি এছ চাকৰি এৰি ৰাজনীতিৰ পথাৰত ভৰি দিয়া আনন্দ মিশ্ৰই বিহাৰৰ বক্সাৰ সমষ্টিৰ পৰা নিৰ্বাচন খেলাৰ কথা নিজেই সামাজিক মাধ্যমত প্ৰকাশ কৰিছিল আনন্দ মিশ্ৰই৷
শেহতীয়াকৈ অৱশ্যে তেওঁ নিৰ্বাচন খেলা-নেখেলা বিষয়টোক লৈ একাংশ সন্দিহানো হৈ পৰিছিল৷ কিয়নো আশা কৰা ধৰণে তেওঁ বিহাৰ বিজেপিৰ পৰা সঁহাৰি নাপালে যাৰবাবে নিৰ্দলীয় হৈয়েই বক্সাৰ সমষ্টিৰ পৰা নিৰ্বাচন খেলিবলৈ প্ৰস্তুতি চলাইছে৷ অৱশেষত সেই সন্দেহ দূৰ কৰি এক্স হেণ্ডেলত আনন্দ মিশ্ৰই এৰিছে বিশেষ বাৰ্তা৷
https://x.com/anandmishraips/status/1784290459671760999
এক্স যোগে মিশ্ৰই কয়, ‘একাংশই মই নিৰ্বাচন নেখেলো বুলি ভুৱা প্ৰচাৰ চলাইছে৷ মই এনে মানুহ নহয় যে এবাৰ আগুৱাই গ’লে আকৌ পিছুৱাই আহিম৷ মোৰ সৈতে হাজাৰ হাজাৰ মানুহৰ বিশ্বাস, আশা জড়িত হৈ আছে৷ সেই আশাক মই নিৰাশালৈ ৰূপান্তৰ কৰিব নোৱাৰো৷ মই নিৰ্বাচন নিশ্চয় খেলিম৷ ৭ মেত মোৰ সমষ্টিত নিৰ্বাচন৷ মই এইকেইদিনৰ ভিতৰতেই নমিনেছন জমা দিম৷ আপোনালোকৰ আস্থাক মই সন্মান কৰো সেই সন্মান মই ৰাখিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
