আক্ষৰিক অৰ্থত বিগ বাজেট ৱেডিং৷ অপেক্ষা শেষ হ’ল, হাজাৰ হাজাৰ লোকৰ উপস্থিতিত সাতপাকত বান্ধ খালে অনন্ত-ৰাধিকা৷ ১২ জুলাইত বিবাহপাশত আৱদ্ধ হয় অনন্ত-ৰাধিকা৷ সংগীত অনুষ্ঠানৰ পৰাই দেশী বিদেশী অতিথিয়ে ভিৰ কৰিছে মুম্বাইৰ এণ্টেলিয়াত৷
প্ৰি ৱেডিং, হালধি, মেহেন্দী, সংগীত অনুষ্ঠান দেখাৰ পাছতেই একাংশই কৈছে সৰু পুত্ৰৰ বিয়াত অকণো কৃপণালী নকৰালৈ ধন ব্যয় কৰিছে আম্বানী পৰিয়ালে৷ প্ৰথম প্ৰি ৱেডিং অনুষ্ঠানতেই মুকেশ আম্বানীয়ে খৰচ কৰিছিল ১০০০ কোটি টকা৷ দ্বিতীয় প্ৰি ৱেডিঙো হৈছিল লাক্সাৰি ক্ৰুজত৷ ইটালী দ্বীপত গৈ দ্বিতীয় প্ৰি ৱেডিং অনুষ্ঠান কৰিছিল৷ তাৰপিছতেই মুম্বাইৰ জিঅ’ গাৰ্ডেনত লেথাৰিকৈ চলিছে অনুষ্ঠান৷
অতিথি অনা নিয়াত কিমান ব্যয় কৰিলে আম্বানীয়ে?
ভাইৰেল খবৰ অনুসৰি অনন্ত-ৰাধিকাৰ বিয়াৰ অনুষ্ঠানৰ অতিথিসকলক অনা নিয়াৰ বাবেও বহু অৰ্থ ব্যয় কৰিছে মুকেশ আম্বানীয়ে৷ অতিথি অনা নিয়াৰ বাবে তিনিখত ফেলকন-২০০০ জেট বুক কৰা হৈছিল৷ ইয়াৰোপৰি ১০০খন প্ৰাইভেট জেট বিমানো বুক কৰা হৈছিল অতিথিসকলক মুম্বাইলৈ অনাৰ বাবে৷ কেৱল বিয়াৰ অনুষ্ঠানতেই নহয় বিদেশী অতিথিসকলক দেশৰ বিভিন্ন স্থানলৈ ফুৰিবলৈ যোৱাৰো ব্যৱস্থা কৰি দিছে আম্বানীয়ে৷ যাতায়াতৰ সুবিধাৰ বাবেই ১০০তকৈ অধিক প্ৰাইভেট বিমান বুক কৰা হৈছে৷ সেই বিমান বুক কৰিবলৈ কেইবা শ কোটি ধন খৰচ কৰিছে আম্বানী পৰিয়ালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
