কেটৰিনাক বেয়া পাইছিল অৰ্জুন আৰু বৰুণে, বনাইছিল ‘কেটৰিনা হেট ক্লাৱ’
বলীউডৰ অন্যতম জনপ্ৰিয় অভিনেত্ৰী কেটৰিনাক বেয়া পাইছিল বলীউডৰ দুগৰাকীকৈ অভিনেতাই। অৰ্জুন কাপুৰ আৰু বৰুণ ধাৱানে বেয়া পাইছিল অভিনেত্ৰীগৰাকীক।
ইয়াৰ বাবে আনকি সামাজিক মাধ্যমত কেটৰিনা হেট ক্লাব বুলি এটা একাউণ্টো খুলিছিল দুয়ো অভিনেতাই। নিজেই এই বিষয়ে সদৰি কৰে অভিনেতাই। সদ্যহতে বলীউডৰ অভিনেতা অৰ্জুন কাপুৰে এই বিষয়ে প্ৰকাশ কৰে।
অৰ্জুন কাপুৰ আৰু বৰুণ ধাৱনৰ বন্ধুত্ব বহু বছৰ পুৰণি। অনস্ক্ৰীণ হওক বা অফ স্ক্ৰীণ হওক, তেওঁলোকৰ বন্ধুত্ব অতি শক্তিশালী। আৰু দুয়োৰে পচন্দ অপচন্দও কোনো কোনো ক্ষেত্ৰত একে। যাৰ বাবে দুয়োৰে এসময়ত বলীউডৰ অভিনেত্ৰী কেটৰিনা কাইফ অপছন্দৰ অভিনেত্ৰী আছিল।
কেটৰিনা কাইফে নিজেও এবাৰ কৰণ জোহৰৰ শ্ব’ ‘কফি উইথ কৰণ’ত এই বিষয়ে উল্লেখ কৰিছিল। কেটৰিনা কাইফে শ্ব’টোত প্ৰকাশ কৰিছিল যে বৰুণ ধাৱন আৰু অৰ্জুন কাপুৰে তেওঁৰ নামত এটা হেট ক্লাব গঠন কৰিছে। এই গোটটোৰ নাম আছিল ‘কেটৰিনা হেট ক্লাব’। পাছে ইয়াৰ আঁৰৰ কাহিনী কি !
যদিও দুয়ো অভিনেতাই এই হেট ক্লাব গঠন কৰিছিল, কিন্তু প্ৰকৃততে সেয়া সত্য নহয়। এই হেট ক্লাবটো গঠন হোৱাৰ মূলতে আছিল- দুয়োজন অভিনেতাই অনুভৱ কৰিছিল যে কেটৰিনাই তেওঁলোকক গুৰুত্ব নিদিয়ে।
অৰ্জুনে কয়, ‘আমাৰ আগতে এটা ‘উই হেট কেটৰিনা ফেন ক্লাব’ আছিল, যিটো অতি সোনকালে বন্ধ হৈ যায়, কাৰণ আমি কেটৰিনাক সঁচাকৈয়ে ঘৃণা কৰা নাছিলো। আমি মাত্ৰ কেটৰিনাই আমাক বেয়া পাই বুলি ভাৱিছিলো। আমাৰ ওপৰত কোনো গুৰুত্ব নিদিয়ে বুলি ভাবিছিলো।
কাৰণ কেটৰিনাই সকলো ক্ষেত্ৰতে সকলোতে টু ডা পইণ্ট উত্তৰ দিয়ে। কাকো কোনোদিনে মিঠ মিঠা কথা কব নাযায়। সৎ সাহসেৰে সকলোৰে সমুখত নিজৰ কব লগা খিনি উপস্থাপন কৰে। তাৰ বাহিৰে বেচিকৈ কথা নকয়।
এই কাৰণেই হয়তো অৰ্জুন আৰু বৰুণে সেই ঘৃণা ক্লাবটো খুলিছিল। অৱশ্যে অৰ্জুনে কয় যে তিনিওজনৰ মাজত কোনো সমস্যা বা সম্পৰ্কৰ মাজত কোনো বেয়া মনোভাৱ নাই আৰু কেটৰিনাৰ কেৰিয়াৰ বৃদ্ধিত তেওঁলোক অতি সুখী। কেটৰিনা কঠোৰ প্ৰৰিশ্ৰমি বুলিও প্ৰশংসা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
